Өзбекстан Республикасы жоқары ҳәм орта арнаўлы билимлендириў министирлиги
Yüklə 1,39 Mb. Pdf görüntüsü
|
- Bu səhifədəki naviqasiya:
- 4. «Avesto»nıń baslı ideyası.
- Sorawlar hám tapsırmalar
| atash – ot, dan – ıdıs, orın degendi bildiredi. Demek, atashtan ot saqlaytuǵın orın,
oshaq degendi ańlatadı). Úylerde ot jaǵıp qoyıw úrdis bolǵan. Otqa sıyınıw 10 dástúrine qaray zardushtiylik dinindegilerdi otparazlar (atashparazlar) dep te ataǵan. Zardushtiyliktiń ayırım belgileri xalqımızdıń turmısında saqlanıp qalǵan. Máselen, ot penen oynama, otqa túkirme, otqa suw serpip óshirme (topıraq penen óshiriw kerek) degen sıyaqlı násiyatlar bar. Olar ottıń muqáddesligin ańlatadı. Úyi órtengen adamǵa «qapa bolma, ot oraz boladı» (ottıń keyni jaqsı boladı) dep kewil aytıp jubatıwlar, «otı óre janbaǵır», «otı óshkir», «oshaǵınıń kúli suwırılǵır» «úyiń janǵır», «úyińe ot túskir » degen ǵarǵıslar xalıq tilinde ushırasadı. Ruwhıy awırǵan adamdı zıyanlı árwaqlardan alaslaw ushın ot atlatıw, shom (fakel) jaǵıp bılǵap jaydıń ishin jin-jıpırdan tazalaw sıyaqlı ırımlar turmısta qollanılatuǵın bolǵan. Bulardıń hámmesi biziń ata-babalarımızdıń áyyemgi isenimleri zardushtiylik dini menen baylanıslı bolǵanınan dárek beredi. 4. «Avesto»nıń baslı ideyası. Juwmaqlap aytqanda, «Avesto» jazba esteligi tek ǵana diniy tálimat hám duwalardan ibarat emes, onda adamlardı jaqsılıq etiwge, hadal miynet islewge, qayır-saqawatlı, ádep-ikramlı, jıllı sózli bolıwǵa, dosqa opalı, watanǵa sadıq bolıwǵa shaqıradı. Usınday tárepleri menen «Avesto» kitabı házirgi kúnde de úlken tárbiyalıq áhmiyetke iye. Sonıń ushın, onı ata- babalardan qalǵan mádeniy miyras sıpatında úyrenemiz. Sorawlar hám tapsırmalar 1. Kórkem ádebiyattıń baslı belgilerin aytıp beriń. 2. «Avesto» kitabı payda bolǵan dáwirdegi tariyxıy sharayatlar haqqında aytıp beriń. 3. «Avesto» sóziniń mánisi qanday? 4. Zardusht kim bolǵan? 5. Quday Axuramazda Zardushtke qanday násiyatlar aytqan? 6. «Avesto»da qanday jaqsı qásiyetler ulıǵlanadı? 7. «Avesto» kitabında jawız kúshlerdiń basshısı kim? 7. «Avesto»da jawız kúshlerdi jeńiwdiń qanday jolların kórsetken? 8. «Avesto» kitabınıń ulıwma mazmunın aytıp beriń. 9. «Avesto»da qaysı nárse muqaddes dep sanaladı? 10. Xalqımızdıń isenimlerinde zardushtiyliktiń ayırım belgilerin atap kórsetiń. |