Əng sinirinin mərkəzi naqili anesteziya. Bu anesteziya qanad-damaq çuxurunda
aparılır. Qanad-damaq çuxuru əng sümüyünün distal hissəsi ilə əsas sümüyün
qanadvari çıxıntısı arasında yerləşir. Bu çuxur qanadaoxşar formaya malikdir-enli
hissəsi ilə kəllə əsasına baxır, ensiz-aşağı istiqamətdə qanad-damaq kanalına keçir.
Almacıq qövsüaltı üsul: bu yolla anesteziya aparmaq üçün traqo-orbital xətt
oriyentir hesab edilir. Bu xəttin ortasında almacıq qövsündən aşağı iynə dəriyə
perpendikulyar yeridilir və əsas sümüyün qanadvari çıxıntısının xarici lövhəsinə
toxunana qədər irəlilədilir. İynənin sümüyə qədər yeridildiyi dərinlik qeyd
olunmalıdır. Onun üçün iynəni vurmamışdan qabaq ona steril əlcəkdən rezin taxılır.
İynə sümüyə dirəndikdə rezin iynənin üstündə dəriyə qədər gətirilir, sonra iynə bir az
geri çəkilir və ön tərəfə 15
0
bucaq altında qeyd olunan məsafə qədər yenidən
toxumaya yeridilir. Bu zaman iynə qanad-damaq çuxuruna düşür və oraya 2-4 ml
anestetik məhlul vurulur.
Mərkəzi naqilianesteziyanı almacıq qövsüüstü tuberal, çənənin alt kənarı ilə, göz
yuvasının aşağı-xarici divarı ilə, böyük damaq kanalı yolu ilə aparmaq nisbətən
çətindir və müəyyən ağrılaşmalara səbəb ola bilər.
Göz yuvası divarı ilə anesteziyanı aparan zaman, göz alması, mağaralı cibin damarı,
siniri zədələnə bilər.
Bu yuxarıda göstərilən üsulların içində böyük damaq kanalı sadə və rahatdır. Bəzən
palatinal anesteziyanı aparan zaman iynə kanala düşəndən sonra mərkəzi naqili
anesteziya məqsədi ilə iynə irəlilədilərək qanad-damaq çuxuruna qədər gedə bilər.
Bu usulun çatışmayan cəhəti damarın və sinirin zədələnməsidir.
