Dərslik Azərbaycan Dillər Universiteti Elmi Şurasının
Yüklə 16,97 Mb. Pdf görüntüsü
|
| xristian mədəni irsinə malik olan ölkələrin iqtisadi inkişaf və demokratik siyasət
istiqamətində perspektivləri qeyri-müəyyəndir. Müsəlman respublikalarında isə bu perspektivlər qaranlıqdır. Bu əsərdə Hantinqton müsəlman respublikalarında demokratiyanın inkişaf perspektivlərini də ayrıca olaraq qaranlıq hesab edir. Hantinqtonun İslam sivilizasiyasına, onun əsasını təşkil edən İslam dininə münasibəti mahiyyət etibarı ilə qərəzlidir. Hantinqton İslam sivilizasiyasını, onun dəyərlərini və tarixi nailiyyətlərini dərindən dərk etmədən İslamı demokratiyaya zidd olan, sosial-iqtisadi geriləməyə səbəb olan, miqrant böhranına şərait yaradan din kimi, müsəlmanları isə münaqişəyə, terrorizmə meylli insanlar kimi təqdim edir. Sözsüz ki, Hantinqtonun anti-islam, islamofob baxışları ideoloji xarakter daşıyır. Bu baxışlar Qərb ölkələrinin siyasi və dini dairələrinin müəyyən nümayəndələrinin maraqlarını əks etdirir. Tarixi hadisələrin sonrakı gedişatı, daha konkret desək, 11 sentyabr 2001-ci il hadisələri, radikal islamçılar tərəfindən dünyanın bir sıra ölkələrində törədilən terror aktları, son dövrdə isə Yaxın Şərq və Afrika ölkələrində baş verən hərbi münaqişələr nəticəsində bu ölkələrdən Avropa İttifaqı ölkələrinə qaçqınların kütləvi şəkildə gəlmələri Hantinqtonun anti-islam, islamofob baxışlarının geniş yayılması üçün əlverişli şərait yaratmış, Qərb ölkələrində islamofobiya meyllərini daha da gücləndirmişdir. Müasir dövrdə Qərb ölkələrində islamofobiya meyllərinin güclənməsini MULTİKULTURALİZMƏ GİRİŞ 352 təsdiqləyən bir neçə fakta baxaq. Baş qərargahı İsveçrədə yerləşən, frankofon ölkələrdə islamofobiyaya və irqçiliyə qarşı mübarizə aparan “Racism İslamophobia Watch” təşkilatı apardığı müşahidələrin əsasında 2013-cü ilin oktyabr ayından bəri hər ay üçün hesabat hazırlayır. Hesabatda Fransa, Belçika və İsveçrədə islamofobiyanın yayılmasına dair faktlar ictimaiyyətin diqqətinə təqdim olunur. Belə faktlar sırasında gecə vaxtı məscidlərin divarlarına yazılmış müsəlmanları təhqir edən şüarlar və irqçi svastikalar, sosial şəbəkələrdə müsəlmanların əleyhinə yayılan nifrət dolu nitqlər, məscidlərin ətrafına qoyulmuş kəsilmiş donuz başları, hicablı qadınların təhqirə məruz qalmaları, məscidlərə ekstremist qruplar tərəfindən edilən hücumlar və s. vardır. “Racism İslamophobia Watch” təşkilatının yaydığı məlumata görə, Fransa və İsveçrə kimi ölkələrdə müsəlmanlar öz ibadətlərini icra etmələrində müəyyən qadağalarla üzləşirlər. Hicablı qadınlar təqibə məruz qalırlar. Müsəlmanlar ibadət etmək üçün münasib yer tapa bilmirlər. Onlar hətta öz vəsaitləri hesabına məscid tikdirə bilmirlər. “Racism İslamophobia Watch” təşkilatının hesabatında Səudiyyə Ərəbistanından olan bir iş adamına ona məxsus olan binada ibadət mərkəzinin açılmasına Nitsa şəhərinin merinin icazə vermədiyi haqqında məlumat verilir. Bu təşkilatın başqa bir məlumatında isə Mantes-la- Ville şəhərinin yeni təyin olunmuş meri bu şəhərdə Cənubi Mantes Müsəlman Assosiasiyasına ibadət evini tikdirməyə icazə vermir. Bu Assosiasiyanın başçısı öz islamofob baxışları ilə tanınan Marin Le Penin rəhbərlik etdiyi “Milli cəbhə” siyasi partiyasının üzvü olan merin bu hərəkətini müsəlmanlara qarşı ayrı-seçkilik kimi qiymətləndirmişdir. Ultra sağçı partiya olan “Milli cəbhə” partiyası bütün Avropada öz islamofob təbliğatı və fəaliyyəti ilə seçilir. Məsələn, bu partiyanın nümayəndəsi 15 oktyabr 2014-cü il tarixində Ramazan bayramı zamanı İslamın ünvanına təhqiredici sözlər işlətmişdir. Son dövrdə Avropa İttifaqı ölkələrində islamofobiya dözümsüzlüyün, ksenofobiyanın və ayrı-seçkiliyin digər formaları kimi təkcə radikal sağçı qrupların arasında deyil, adi insanlar arasında da yayılmaqdadır. Bunun əsas göstəricilərindən biri bu ölkələrdə ultra sağçı partiyalara verilən səslərin artmasıdır. Nəticədə bu partiyaların Avropa İttifaqı ölkələrinin siyasi sistemində mövqeləri möhkəmlənir. Məsələn, 2014-cü ildə keçirilən Avropa Parlamentinə seçkilər zamanı Fransa tarixində ilk dəfə olaraq Marin Le Penin rəhbərlik etdiyi “Milli cəbhə” partiyası ən çox səs toplayan partiya oldu. Avropa Parlamentinə MÜASİR DÖVRDƏ QƏRB ÖLKƏLƏRİNDƏ ETNİK-MƏDƏNİ MÜXTƏLİFLİK VƏ ONUN TƏNZİMLƏNMƏSİ 353 əvvəlki, yəni 2009-cü il seçkiləri ilə müqayisədə 2014-cü ildə bu partiyaya 4 dəfə çox seçici səs vermişdir. Nəticədə Fransadan Avropa Parlamentinə seçilmiş 74 deputatın təxminən üçdə biri “Milli cəbhə” partiyasının üzvü idi. “Milli cəbhə” partiyasının Fransa cəmiyyətində artan populyarlığının məntiqi nəticəsi kimi onun lideri Yüklə 16,97 Mb. Dostları ilə paylaş:
|