Şahlar həSƏNOĞLU
***** ***** *****
Yüklə 1,51 Mb. Pdf görüntüsü
|
|
***** ***** ***** Orxan Bak ıda qala bilməyib rayona, kəndə gəldi. Kəndlərində xəstəxana olsaydı orada işləyəcəkdi. Xəstəxana isə hələ tikilməkdəydi. Şəhərə gəlib polikninikada həkim işləməyə başladı. Gedib gəlmək sarıdan əziyyət çəkirdi. Kəndlərinə avtobus işləmir, çox zaman elə belə düşmə maşınlara minib gedirdi. Hər halda bütün bunlar ona olduqca xoş və maraqlı idi. Getdikcə də vəziyyəti yaxşılaşırdı. Bir neçə ağır xəstəni müalicə edib sağaltmışdı. Xəstələrin qohumları onu görəndə əldən-ayaqdan çıxırdılar. Yoldan götürüb kəndə aparıb qoyur, sabah tezdən maşınla gedib gətirirdilər. Xəstələri gün-gündən artırdı. Həkim yoldaşları ümidsiz hesab etdikləri bir neçə xəstəni qəsdən yanına göndərmişdilər görsünlər nə həkimdi bu təzə gələn elmlər namizədi? Xəstələr sağaldılıb həyata qaytarıldıqda başlamişdılar öz qohumlarını, ailə üzvlərini onun üstünə göndərməyə. Şəhər xəstəxanasının baş həkimi anasını infarkt vuran kimi gəlib Orzanı aparmışdı. Orxan qadını bir ay müalicə edib həyata qaytardıqda baş həkim bilmirdi nə yaxşılıq eləsin ona. Hər gün xəstəxananın maşını kəndə gəlib onu işə aparırdı. Görünür baş həkimin rayonda əlaqələri çox genişmiş, bundan sonra şəhərdə bütün vəzifəli şəxslər onların ailə üzvləri ürəklərindən bir şikayətləri əmələ gələn kimi Orxanın üstünə gəlirdilər. 220 Şəhərdə işlədiyinin birinci aylarında rastlaşdığı çətinliklər indi arxada qalmışdı. Elə küçəyə, yola şıxmağa bənd idi, onda görürdü bir “Volqa”, bir “Jiquli” dayandı yanında: "həkim mən sizin qulluğunuzda, hara gedirsiniz aparım”. Həm də bunlar o adamlardı, çoxlarının iş yerlərində hökumət maşınları, şoferləri vardı. Lakin Orxanı kəndə özləri aparmağı ona hörmətin bir əlaməti kimi vurğulamaqçın edirdilər; yolda maraqlı söhbtlər edir, öz bədənlərindəki xəstəlik əlamətlərindən söz açıb məsləhətləşirdilər. Bir ma ğazaya girməli deyildi. Elə istəyirdi bir şey alsın, büküb verir, pul götürmürdülər. Süpürləşmə başlayırdı: Orxan pulu atıb çıxmaq istəyir, dükançı götürüb ardınca düşür, zorla, yüz “mənölüm”lə pulu ona qaytarırdı. Çox zaman heç tanımırdı dükançını, bilmirdi niyə belə hörmət etmək istəyir dükançı, dərzi, aptekçi? Onlardan qurtulmaqçın nə alsa gedib öz kəndlərindəki mağazadan götürürdü. Bir gün katib özü onun qə”buluna gəldi.ürəyinin döyün- məsindən, yuxusunun pozulmasından, pis yuxular görməsndən şikayət edirdi. Kurortda, Bakı da bir çox adlı-sanlı həkimlərin qəbulunda olmuşdu, vəziyyəti yaxşılaşmayıb hələ ağırlaşırdı. Orxan katibin əlində hazır gətirdiyi analizlərinə ürəyinin vəziyyətinə baxıb ona müalicə yazdı. Xəstəliyinin ən kiçik əlamətlərini soruşub, bəzilərini özü deyib katibə izah etməyə başladı: ürəyində heç bir qüsurun, çatışmazlığın olmadığını, əksinə məhz belə güclü ürək sayəsində onu tapmış bu xəstəliyə dayana bildiyini katibə söylədi. Müalicəsinin nəticəsi haqqında bir ay sonra xəbər göndərməsini xahiş edib katibi yola saldı. İki həftə sonra polikninikanın partiya təşkilatı katibi gəlib dedi, sənədlərini hazırlasın, onu partiya üzvlüyünə qə”bul etdirmək haqqında katibin göstərişi var. Demək yazdığı mü alicə katibə müsbət təsir göstərməkdədi. Iki həftə də keçmiş ona şəhərdə istifadəyə verilmiş yeni korpusda iki otaqlı bir mənzilin orderi verildi. Eyni zamanda onu poliknikaya baş həkim təyin edib, baş həkimi səhiyyə şöbəsinə müdir keçirdilər. |