Umumiy pedagogika

Pedagogik diagnostika (tashxislash) esa – nazorat qilish va baholash usullarining jamlanmasi boʻlib, bu ta’lim jarayonini optimallashtirish, ta’lim oluvchilarga differensial yondashish hamda ta’limiy dasturlar va pedagogik ta’sir koʻrsatish metodlarini takomillashtirish orqali namoyon boʻladi. Pedagogik diagnostikaning maqsadi oʻquv jarayonida kechadigan barcha jihatlarni uning mahsuli bilan bog‘liq holda, oʻz vaqtida aniqlash, baholash va tahlil qilishdan iborat.
Pedagogik diagnostikaning vazifalari:

• 
  shaxsga yoʻnaltirilgan yondashuvni amalga oshirishni ta’minlash;
  
• 
  oʻqituvchining professional diagnostikasi natijalarini toʻg‘ri belgilab olish;
  
• 
  pedagogik xatoliklarga yoʻl qoʻyishni minimal darajaga tushirish;
  
• 
  oʻquvchining qoʻshimcha izlanishi uchun turtki berish;
  
• 
  bola shaxsining samarali rivojlanish sharoitlarini belgilash;
  
• 
  pedagog faoliyatini baholash (ya’ni, professional mahoratiga baho berish);
  

Pedagogik diagnostikaning vazifalari (N.K. Golubev va B.P.Bitinas boʻyicha)
Qaytar aloqa	Pedagog oʻz faoliyatini nazorat qilmay turib, oʻquvchi shaxsining shakllanishiga ta’sir koʻrsata olmaydi.
Baholash	Pedagogik faoliyatning natijasini baholash erishilgan natijalarni mavjud etalon, mezonlar bilan solishtirish orqali roʻy beradi.
Tarbiyaviy	Ta’lim oluvchilarning munosabatlari, qadriyatlari, motivatsiyasini rag‘batlantirish va muayyan faoliyatni bajarishga ongli ravishda yoʻnaltirishda namoyon boʻladi.
Kommunikativ	Ta’lim jarayoni ishtirokchilarining individual – tipologik xususiyatlarini hisobga olgan holda shaxslararo munosabatlarga kirishish malakalarini shakllantiradi.
Konstruktiv	Ta’lim jarayonini tashkil etishga oʻzgartirish kiritish va korreksiyalashga xizmat qiladi.
Informatsion	Ta’lim jarayoni ishtirokchilarini pedagogik diagnostika natijalariga oid ma’lumotlar bilan qurollantiradi.
Prognozlash	Pedagogik rivojlanishning istiqbollarini bashoratlash imkonini beradi.