Og‘zaki mashqlardan ta’lim jarayonida keng foydalaniladi. Ular oʻquvchilarning umumiy madaniyati, mantiqiy fikrlashi hamda bilish qobiliyatini rivojlantirish bilan bog‘liqdir. Shuningdek, og‘zaki mashqlarning nutq boyligini oshirish va xorijiy tillarni oʻrganishdagi ahamiyati beqiyos.
Yozma mashqlar ta’limning tarkibiy qismi sifatida zarur koʻnikma va malakalarni shakllantirish hamda mustahkamlash maqsadida qoʻllaniladi. Diktant, insho, masala, misol, shuningdek, referat yozish va tajriba mohiyatini yoritish ham yozma mashqlar sirasiga kiradi.
Grafikaviy ishlar ham yozma ishlar bilan oʻxshash jihatlarga ega boʻlib, ulardan asosan texnik jarayonlar (jumladan, geografiya, fizika, matematika, chizmachilik, rasm hamda texnologik ta’lim)da keng koʻlamda foydalaniladi.
Oʻquvchilarning bilish faoliyati tavsifiga koʻra ta’lim metodlari tasnifi (I.Ya.Lerner va M.N.Skatkin):
