Китабын ады
Yüklə 1,34 Mb. Pdf görüntüsü
|
- Bu səhifədəki naviqasiya:
- BİSMİLLAHİR-RƏHMANİR-RƏHİM ÖN SÖZ 1 Həmd aləmlərin Rəbbi olan Allaha məxsusdur, Allahın salamı olsun
| PİŞAVƏR GECƏLƏRİ I SEYİD MƏHƏMMƏD MUSƏVİ ŞİRAZİ SULTAN-VAİZİN 2 Kitabın adı: Pişavər gecələri Müəllif: Seyid Məhəmməd Musəvi Şirazi Tərcümə edən: Beytul-Hikmət TM Naşir: Şəhriyar Çap tarixi: 2006 Çap növbəsi: Birinci Tiraj: 3000 İSBN 964-5934-92-3 3 BİSMİLLAHİR-RƏHMANİR-RƏHİM ÖN SÖZ 1 Həmd aləmlərin Rəbbi olan Allaha məxsusdur, Allahın salamı olsun peyğəmbərlərin sonuncusu, nəbi və əmin olan həzrət Məhəmməd (s.), tahir olan Əhli-beytinə (s) və xüsusilə də əmisi oğlu və vəsisi Əminəl-möminin Həzrət Əliyə (ə). Burada Allahın verdiyi tovfiqi, Peyğəmbər (s) ailəsinin (ə) xüsusi diqqəti və elm və ədəb sahiblərinin istəyi sayəsində bu dəyərli kitabın IV nəşrinin də sona çatdığı üçün dəyərli oxuculara bu dörd önəmli xüsusi xatırlatmaq istəyirəm: 1. Batil əhlinin etdiyi pisliklərdən biri də alimlərin kİtablarına xəyanət əlini uzatmaları, söylədiklərini təhrif və bəzi bölümlərini məhv etmələridir. Təəssüflər olsun ki, bu pis iş Misir və digər ölkələrdəki əhli-sünnət mətbəələrində açıq-aydın görülmədədir. Onlar bir çox təhriflər və bəzi mövzuları məhv etməklə, əslində, bilavasitə öz yazıçısı və alimlərinin ruhunu incidirlər. Bəzi ifratçı alimlərin fikir və nəzərlərinin əsiri olan mürtəcilərin bu cür çirkin üsullara əl atmaqla haqq və həqiqətin ortadan qaldırılmayacağından qəflət etmələri, doğurdan da, təəssüfdoğurucudur. Halbuki, Allah-təala bilavasitə haqqı qorumağı Öz qüdrət və iradəsi altına almışdır. Ön sözdə bir o qədər izah verməyə yer olmadığı üçün və məsələni isbatedici bir misal olsun deyə, sadəcə bir məsələyə işarə etmək istəyirəm: Hicri-qəməri tarixi ilə 1319-cu ildə Misirdə Şeyx Mustafa əl-Babi əl-Hələbi və qardaşlarının göstərişi ilə «Əl-Kubraye-Əmriyyə» mətbəəsində ikinci dəfə nəşr olunan «Təfsiri-Kəşşaf»ın 3-cü cildinin 301-ci səhifəsində Carullah Zəməxşərinin söylədiyi şer 2 və bəyan etdiyi əqilə açıq-aydın bir şəkildə qeyd edilmişdir. Lakin təəssüflər olsun ki, Hicri-qəməri tarixi ilə 1373-cü ildə Qahirədə – «Əl-İstiqamə» mətbəəsində çap edilən kitabın yeni nəşrində söylənilən şerlər çıxarılmışdır. Əlbəttə, bu, əhli-sünnət qardaşların etdiyi bu cür hərəkətlərindən sadəcə bir 1 Bu ön sözü mərhum müəllif sağlığında ktabın dördüncü nəşri üçün yazmışdır. Biz burada dörüncü nəşr üçün yazılmış ön sözə ikinci və üçüncü nəşr üçün yazdığı ön sözləri xülasə edərək əlavə edirik. 2 Şerlərin hamısı bu kitabda dəlil olaraq gətirilmişdir. 4 misaldır. Daha doğrusu, bizim kitabın mətnində işarə etdiyimiz bəzən qaynaqlar və məlumatlar əgər yeni kitabların yeni nəşrlərində görülməzsə, səbəbi, haqqında söhbət açdığımız təhriflərdir. Yerdə qalanını isə, özünüz müqayisə edin. 2. Kitabın nəşri və mətbəənin göstərdiyi bütün diqqət və səylərə baxmayaraq, təəssüflər olsun ki, kitab çap olunduqdan sonra yenə də bir qrup xətalar araşdırılıb- tapılmış, mümkün olduğu qədər bu xətaların aradan aparılması üçün cəhd göstərilmişdir. 3. Pakistan, Bağdad və Küveytdən bəzi dostlar bu kitabın öz dillərinə tərcümə edilməsi xüsusunda icazə istəmişdilər. Mən də burada, «Pişavər gecələri» və «Səd məqalə» («Yüz məqalə») kitablarının tərcümə edilə biləcəyinə əmin olduğum üçün izn verdiyimi qeyd etmək istərdim. Sadəcə, mütərcimlərin bu kitabları kəlmə- kəlmə tərcümə etmələrini, heç bir təhrifə yol verməmələrini və məna baxımından bütünlüklə tərcümə etmələrini istəyirəm. 4. Əvvəl də söylədiyim kimi, bu kitabın nəşrini ticarət, mənfəət məqsədilə etmirəm. Bu mövzuda heç bir umacağım yoxdur, heç kəsdən də maddi və mənəvi yardım almamışam. Dediklərimə bilavasitə kitab satışı ilə məşğul olan müəssisələr də şahiddir. Məqsədim, sadəcə vilayət maarifinin təbliğidir, nəinki maddi mənfəət. Lakin buna baxmayaraq, bəziləri bu kitaba böyük bir maraq olmasından sui- istifadə edərək, satış qiymətini artırırlar. Bu səbəbdən, dindar kitab evlərinə xəbərdarlıq edirəm: Bu iş vilayət məqamına xəyanət və pis bir işdir! Mən bundan razı deyiləm; müəllifin razılığı olmadığı üçün Allah, Peyğəmbər (s) və vilayət məqamının Sahibi (ə) də bu pis əməldən razı olmayacaqdır! 1 Bu kitabı sadəcə vilayətin həqiqətləri və imamət məqamının gözəlliklərini aşkara çıxarmaq və düşmənlərin illərcə əhli-sünnət qardaşların zehnində icad etdikləri batil şübhə və ilqaları ortadan qaldırmaq üçün yayılmasını istəyirəm. Zəhmətimin hədər getməyəcəyinə ümid bəsləyirəm. Çünki Allah-təala Qurani- Kərimin «Ali-İmran» surəsinin 195-ci ayəsində belə buyurur: «Şübhəsiz, Mən, istər kişi olsun istərsə də qadın, heç bir əməl sahibinin əməlini zay etmərəm». 1 IV nəşrin sonu. 5 Vilayət nurlarını zahir edən bu kitab dost, düşmən və bütün müsəlmanların marağına səbəb olmuşdur. Əlbəttə, bu kitab (ilk dəfə) çap olduqda hər tərəfdən hücuma, təzyiqə məruz qala bilərik. Çünki bizdən əvvəlkilər də bu cür təzyiqlərə məruz qalmışlar. Hesab edirəm ki, dardüşüncəli və inadkar insanların bizi də qınayacağı, etiraz edəcəkləri əvvəlcədən məlumdur. Müəyyən təzyiqlərə məruz qalacağımız böyük ehtimaldır 1 . Bəzi alimlər (fars dilində olan) bu kitabın uca anlamına, zahiri ibarələrinə etirazlarını bildirərək, nə səbəbdən bu kitabın ədəbi incəliklər, uca fəlsəfi və elmi anlamlarla həmahəng olmadığını ifadə edə bilərlər. Əvvəlcədən də bəyan etdiyim kimi, ömrüm boyu etdiyim işlər öz təşəbbüsümlə olmuşdur, əsla, göstərişlərə baxmamışam. Həqiqi mənada yaradılmış aləminin kiçik bir zərrəsi olduğum üçün öz düşüncəmlə hərəkət etmişəm. Bundan əlavə, fikrimcə, natiqlər və yazarlar, eləcə də rəsmi elmi məclislərə qatılan alimlər adi xalq üçün danışmalı və yazmalıdır. Şübhəsiz, bu cür mövzularda elm və fəlsəfə alimləri bir çox kitablar yazmışlar. Alimlər üçün bu cür yazıları qələmə almaq, əbəs və nöqsandır. Adi xalqa elmi və fəlsəfi mövzuları yazmaq və ya bəyan etmək, bütünlüklə, səhv, faydasız iş və ömrü hədər etmək deməkdir. Uca mövzular olduqca sadə bir bəyanla ifadə edilməlidir. Bundan əlavə deməliyəm ki, mən bu kitabı elmi və zehni gücümlə gözəl bir kitab yazmaq məqsədilə də qələmə almamışam; hökmlərdə müsəlmanları aldadanların hiylələrinə, tələlərinə düşməmələri üçün sadə bir dildə ifadə edərək, mətbuatda da yer alan bu uca mövzuları ölkə müsəlmanlarına təqdim etmək istədim. Bu kitab sürətlə yaza bilən Hindistanlı mətbuat müxbirlərinin hüzurunda bir neçə əhli-sünnət alimiylə etdiyim bəhslərdən ibarətdir. Burada bəhs olunan mövzular ilk öncə mətbuat işçiləri tərəfindən qələmə alınaraq, qəzet və jurnallarda dərc olunmuşdur (şəkil 1). Daha sonra mən bu məqalələri toplayaraq, kitab şəklinə salmışam. 1 Bu kitab 1997-ci ilə qədər fars dilində (hələ başqa dillərdə demirəm) İranda 37 dəfə çap olunmuşdur. 6 Hər nə qədər mümkünsə, dəlil və məntiqlə söylənmiş, düşmənin fitnə salmasına yol aça biləcək cümlələr nəql edilməmiş, qaynaq və mənbələr, həmçinin ifadələr gözdən keçirilərək, sağlam şəkildə oxuyuculara təqdim edilmişdir. Elm, fəzilət və ədəb əhli olan şəxslərin bu kitaba sadə və təmiz bir niyyətlə yanaşacağına ümid edirəm. Müşahidə etdikləri səhvlərə görə əfv etmələrini və bu iradları bizlərə bildirmələrini istəyirəm. Nəzərə alınmalıdır ki, insan unutqandır, məsum peyğəmbərlər və dəyərli vəsilərdən başqa heç kəs unutqanlıqdan uzaq deyildir. Bəziləri bu kitabda yazılanların yeni bir şey olmadığını, 1300 il söylənilənlərin təkrarından ibarət olduğunu ifadə edə bilərlər. Buna cavab olaraq demək olar ki, dini mövzular kimi deyildir; zaman axınında itməz və yenidən kəşf edilməzlər. Qurani-kərim, mötəbər hədislər və tarixi həqiqətlər, əsla, dəyişməzlər! Əlbəttə, hər kəs sahib olduğu inancın mənbələrindən faydalanır. Mən də Qurani- kərim, mötəbər hədislər, tarixi həqiqətlər və elm əhlinin dəyərli araşdırmalarından istifadə edərək, faydalanmışam. Bəzi sadə şəxslərin fikrincə bu cür kitablar fitnə və ayrılığa səbəb olur. Buna görə də, yazılmamasının lüzumlu olduğu iddiasını irəli sürürlər. Buna da cavab olaraq söyləmək olar ki, biz də dini təqvaya sahibik. Elm, əntiq və ədəbdən kənarlaşaraq qələm sahiblərinin iftiralar yazması qəbahətli, səhv bir iş və qəbulu da mümkünsüzdür. Əlbəttə, biz bəziləri narahat olmasın deyə, elmi və məntiqi bəhsləri bir kənara qoyub, irəli sürülən ittiham və iftiralara qarşı susmağı da doğru bilmirik. Bunun şiə aləminə böyük bir zərər verəcəyi qənaətindəyik. Çünki tarixdə müşahidə olunduğu kimi, biz nə qədər susmağa üstünlük verərək həqiqətləri dilə gətirməmişiksə, bəzi kəslər də bir o qədər cəsarətlənərək elm, ədəb, din və mədəniyyəti bir kənara qoymuş, xəyanətkar dil və qələmləri ilə şiə müsəlmanlarını təhqir etmişlər. Onlarla hər nə qədər dost olduqsa da, düşüncələrini, şəriətdən kənar davranışlarını bəzi yazarlarının müqəddəslərimizə qarşı etdikləri küfr, təkfir və iftiralarını görməməzliyə qoyduqsa belə, yenə də 7 onlar zərrə qədər də dəyişmədilər, hətta daha da arsızlaşdılar. Fürsət tapdıqca hücuma keçərək, xalqa bizləri kafir və müşrik kimi tanıtdırdılar. Bütün bunlara baxmayaraq, dostluq və nəzakət kölgəsinə sığınıb cavab verməmək insanın vəzifəsini yerinə yetirməmək mənasındadır. Elə başa düşülməsin ki, ən müsəlmanlar arasında fitnə yaratmaq istəyirəm. Mən Quran ayələri, Peyğəmbərin (s) əmrləri və məsum Əhli-beytin (ə) tövsiyələri baxımından müsəlmanların birlik və bərabərliyini istəyirəm. Çünki İslam ümmətinin səadəti, əzəməti müsəlmanların birliyindədir. Əlbəttə, sözügedən birliyin reallaşması, müsəlmanlar arasında dostluq və qardaşlıq münasibətlərinin təmin olunması üçün hər iki tərəfin buna riayət etməsi lazımdır. Birlik və bərabərlik üçün həqiqətlərə göz yummaq və anlaşılmamazlıqlara qarşı səssiz dayanmaq, susmaz olmaz; bu cür görməməzlik bizim əleyhimizə tamamlanır. Mən, heç şubhəsiz, əhli-sünnət qardaşlar ilə dostluq və səmimiyyət münasibətlərinin, eləcə də İslam firqələri arasında gözəl əlaqələrin qurulması və anlayışın hakim olmasını istəyirəm. İslam və müsəlmanların islahı bundadır. Lakin əhli-sünnət qardaş və alimləri də bu dostluğa inanmalı, birlik və bərabərlik üçün hərəkət etməlidirlər. Əks təqdirdə, birtərəfli dostluq davamlı və uzun müddətli olmayacaqdır, bu birtərəfli dostluq riya səbəbiylədir. Hər zaman, xüsusilə də günümüzdə bəzi həyasız yazarlar, sünni adı altında bir qrup kitab və məqalələr qələmə almış, inanclarımıza hücum etmiş və insanları bu mövzuda aldatmağa çalışmışlar. Maraqlısı da budur ki, bütün bu söyüş, xəyanət və iftiralara baxmayaraq, özlərini haqq sahibi görürlər. Onlara qarşı şiələrdən biri öz haqqlarını qorumaq məqsədilə cavab verməyə mübarizəyə qalxdıqda isə, ona hücum edərək, iftira və yalanlarla ləkələməyə çalışırlar. Halbuki söyüş acizlərin işidir! Onlar buna riayət edərkən, şübhəsiz, biz də susur və xətalarını görməməzliyə vururuq. Əhməd Əmin, Qasim, Məhəmməd Sabit, Kürd Əli və Musa Cərullah kimi şiə məzhəbinin müqəddəslərinə hücum edən kəslər Misirdəki «Əl-Əzhər» Universiteti, Dəməşq, Bağdad və digər yerlərdəki elmi mərkəzlər tərəfindən rədd edilir. Əslində, yandırılması zəruri olan kitab və məqalələr dərc olunmazsa, biz də böyük bir 8 dostluq şəraitində onlara qardaşlıq əlimizi uzadar, aradan gedən əzəmətimizi yenidən qazanmaq üçün böyük bir vəhdət əldə edə bilərik. Lakin həyasız yazarlar və gizli əllər davalı şəkildə özlərini sünni olaraq tanıtdırır, bu birlik və səmimiyyətin bərpa olunmasına mane olur, öz zəhərli qələmləriylə müsəlmanların qəlbinə nifaq toxumları səpirlər. Bizə qarşı edilən bu qədər küfr, təkfir və xəyanətlər müqabilində susmağımız və cavab verməməyimiz necə tələb oluna bilər?! İnsanlar arasında təxribat salanların pis bir əməl sahibi olduğunu söyləyənlər cılız yazarların məqalə və kitablarına baxmayıblarmı? Əgər bir anlıq belə bu məqalə və kitablara nəzər yetirsələr, bu satılmış qələm sahiblərinin, təxribatçıların, əslində, kim olduğunu açıq-aydın müşahidə edə bilərlər. Son zamanlarda yazılan şiə kitablarına baxsanız, yazılanların yalnız özünümüdafiə xarakterli mövzular olduğunu aydın şəkildə görə bilərsiniz. Heç bir ağıl sahibi bu qədər iftira və küfrlər qarşısında səssiz qalmağı tövsiyə etməz. Mən də təbliğ məqamına gəldiyim andan etibarən İslam müqəddəslərini müdafiə etməyə və düşmənlərin hər növ hücumlarına qarşı mübarizə aparmağa çalışdım. Çünki xurafat və nəfsani arzularla mübarizənin çox çətin olduğunu bilirəm. Adətlər ilə aparılan mübarizə düşmənçilik yaradır. Bu səbəbdən böyük hidayətçilər azğın ümmətləri ifrat və təfritdən qorumağa çalışdıqda, davamlı olaraq cahillərin hücum və təzyiqlərinə məruz qalmış və müxalif qüvvələrlə qarşılaşmışlar. Peyğəmbərlərin və dəyərli vəsilərinin həyatları, insanın ağlını heyrətə gətirəcək düşmənçiliklərlə doludur. Onların düşmənləri hər cür Çirkin davranışlara, iftiralara əl atmışlar. Biz də peyğəmbərlərin ardıcıllarıyıq. Bu səbəbdən şiddətli hücumlara məruz qalacağımız əvvəlcədən bəllidir. Hər cür çətinliklər qarşısında səbir etməliyik ki, tabe olduğumuz ilahi insanlar ilə məşhur ola bilib, böyük bir savaba nail olaq, inşallah. Allaha şükrlər olsun ki, indiyə qədər bu yolda böyük fədakarlıqlar göstərdim. Daxili və xarici düşmənlər mənə qarşı çıxaraq, bir çox iftiralara əl atdılar, töhmət vurdular, müxtəlif yollarla məni təhdit etdilər. Mən isə, bu hücumlar qarşısında özümü müdafiə də etmədim. Bu mövzuda səbir etdim, məcbur qaldım, imanım 9 daha da artdı. Davamlı olaraq böyük dini şəxsiyyətlərin tarixini, həyatını göz önümdə canlandırdım və yeganə hökmün Allahın hökmü olduğunu söylədim. Yüklə 1,34 Mb. Dostları ilə paylaş:
|