1. 1-ci Sverdlov küçəsi – indiki Salatın Əsgərova küçəsi.
2. 1909-cu ildə H.Z.Tağıyev Bakıda həbsxana binası (sovet illərində onun yerində karamel fabriki, indi isə yaşayış evi yerləşir) tikdirdi. Bu addım cəmiyyətdə birmənalı qarşılanmamışdı, H.Z.Tağıyevin həbsxana tikdirməsini çarizmə xidmət etmək istəməsi ilə əlaqələndirənlər də oldu. Əslində isə, qazamat tikdirmək Hacının fikrində yox idi. O, dəyirman tikdirirdi. Binanın hazır olduğu ərəfədə, Bakı camaatının nümayəndələri Hacının yanına gələrək, həbsə düşənlərin dənizin ortasında, Nargin adasında saxlanıldıqlarını, oraya gediş-gəlişin çox çətin olduğunu, yaxınları və qohumlarının məhbuslarla görüşə bilmədiklərini demişlər. H.Z.Tağıyev bu ağır vəziyyəti aradan qaldırmaq məqsədilə hazır dəyirman binasının içərisində dəyişiklik apararaq, onu 1910-cu ilin fevralında həbsxana kimi hökumətə icarəyə vermiş, bununla da şəhər əhalisini Narginə gedib-gəlmək əziyyətindən xilas etmişdi.
3. Rusiya imperatorunun 1878-ci il 14 iyul tarixli fərmanı ilə H.Z.Tağıyev Həbsxanalar üzrə Bakı Hamilik Komitəsinin direktoru təyin edilmişdi. Bu vəzifədə xeyirli işlərinə görə o, üzərində “Səyinə görə” yazısı olan, Stanislav lenti ilə boyundan asılan qızıl medalla təltif olunmuşdu (12 dekabr 1886-cı il). Hamilik Komitəsinin üzvlərinə məhbuslarla görüşmək, onlarla söhbət etmək icazə verilirdi.
