Bu dörd simalı məxluqlara (taxtlara) baxanda gördüm ki, hər məxluqun (taxtın) yanında yerə dəyən çarx var. Çarxların görünüşünə gəlincə, dördü də bir-birinə oxşayır və xrizolit daşı kimi parıldayırdı, quruluşu isə elə idi ki, sanki, çarx içində çarx var idi.Onlar dörd səmtin hər birinə gedə bilirdilər, hərəkət edəndə sağa-sola dönmürdülər.Çarxların çənbərləri o qədər hündür idi ki, heyrət doğururdu. Hər dörd çarxın çənbərlərinin üstü gözlə dolu idi. Məxluqlar (taxtlar) irəlilədikcə çarxlar da onlarla bir irəliləyirdi, yerdən qalxanda çarxlar da onlarla bərabər qalxırdı. Ruh hara getmək istəyirdisə, hara gedirdisə, onlar da ora gedirdilər. Çarxlar onlarla birgə qalxırdı, çünki məxluqları (taxtları) hərəkətə gətirən ruh çarxları da hərəkətə gətirirdi (Hizqiyal, 15-21).
Belə hesab edilir ki, bu mələklərin üzərində əyləşən Tanrı öz hökmlərini oradan verir.
II cöhrə. Üstünlük (qədim yunanca: κυριότητες, latınca: dominationes; ) mələklərinin hökmdarlara Allahdan gələn qanunlar əsasında ədalətli hakimiyyətin qaydalarını təlqin edir, insanları günaha sövq edən nəfsi tərbiyə etməyi və cilovlamağı öyrədirlər. “Koloslulara” məktubun 1-ci fəslinin 16-cı bəndində onlara işarə edildiyi hesab edilir:
