Buxoro davlat universiteti

UMUMIY XULOSALAR.

1. 
   Frazeologik birliklar tarkibida bir nechta so’z ishtirok etishiga qaramay, ular yagona ko’chma ma’no bilan birlashadi va emotsional-ekspressivlik hamda obrazlilikni ifodalaydi.
   
2. 
   Frazeologik birliklarda xalqning urf-odati, madaniyati, yashash tarsi, o’ziga xos an’analari va milliy mentalitet o’z aksini topadi.
   
3. 
   Frazeologik birliklar shakli va ma’no munosabatiga, etimologiyasida, zamonaviyligida va nutq uslublariga asoslanib farqlanadi. Ulardagi polisemiya serqirra ma’nolarga ega ekanligini ko’rsatadi.
   
4. 
   Tilda mavjud sinonim frazeologik iboralar, omonim frazeologik birliklar biri ikkinchisidan obrazlilik yoki biror nutq uslublariga xoslanganligiga ko’ra farqlanadi.
   
5. 
   Frazeologik birliklarning umumiy ma’nosi ikki komponentdan iborat: ekspressiv baho bo’yog’i hamda funktsional uslubiy bo’yoq.
   
6. 
   Frazeologik birliklar hayotiy voqealar bilan bog’liq holda paydo bo’lgan va davr o’tishi bilan eskirib, iste’moldan chiqadi. Eskirgan frazeologik birliklar esa tasvirlanayotgan davr ruhini berish, personajlar nutqini individuallashtirishda ishlatiladi.
   
7. 
   Kasbga oid frazeologik birliklar leksik-semantik, grammatik hamda emotsional-ekspressivlik xususiyatlariga ega. Ular kasb-korning o’ziga xos xususiyatlarini mujassamlashtiradi va obrazlilik yaratadi.
   
8. 
   Kasbga oid frazeologik birliklar badiiy asarlarning ta’sirchanligini oshirishda, ularda milliy mentalitetni shakllantirishga xos xususiyatlar ifodalangan bo’ladi.
   
9. 
   So’z san’atkorlari o’z asarlarining ta’sirchanligini, obrazliligini oshirish maqsadida frazeologik birliklardan keng foydalanadi.