Maliyyə (kapitalın maliyyə strukturu). Maliyyə müəssisənin bütün fəaliyyət istiqamətlərini özündə sintez (əks) etdirir, ona görə də spesifik resurs kimi maliyyə vəziyyətini qiymətləndirmək üçün, müəssisəsinin kompleks təhlilinin aparılması, yəni müxtəlif resursların və fəaliyyət istiqamətlərinin qarşılıqlı əlaqələrinin sinergetik effektliyinə baxılmalıdır. Praktiki olaraq maliyyə təhlili hesabatlar, müxtəlif əmsallar və göstəricilərin və s. köməyi ilə yuxarıda göstərilən maliyyə təhlili metodikası əsasında aparılır.
Heyyət. Birinci mərhələdə (xüsusi resurs potesialının qiymətləndirməsi) insan resurslarının qiymətləndirməsi prosesində müəssisənin güclü və zəif tərəflərinin müəyyən edilməsi aparılır, bu zaman aşağıdakı komponentlər nəzərdən keçirilir:
Heyyətin ixtisaslaşma səviyyəsinin müəssisənin tələblərinə uyğun olması (məsələn, yüksək ixtisaslı fəhlə qüvvəsinin zəruriliyi);
Müəssisədə həmkarlar təşkilatının təşkili;
Mikroiqlim;
Qulluq üzrə irəli çəkilmə və mükafatlandırma sisteminin qəbul edilməsi.
Qeyd etmək lazımdır ki, göstərilən bu komponentlər hər bir müəssisədə konkret situasiya konteksində mütləq fərdi baxılmalıdır.
İdarəetmə potensialına müəssisənin səmərəli fəaliyyətinə bütövlükdə təsir edən fəaliyyət istiqamətləri üzrə idarəçilərin qərarları daxil edilir.
Strateji planlaşdırma və təhlil sahəsində araşdırma aparan İ.Ansoff bu məqsədlə müəssisənin xüsusi profilini təklif etmiş və burada müəssisənin güclü və zəif tərəflərini xarakterizə edən bütün amilləri açıqlamışdır.
