Şahlar həSƏNOĞLU
****** ****** ******
Yüklə 1,51 Mb. Pdf görüntüsü
|
|
****** ****** ****** Orxan bardanı bu dəfə bir ZİL maşınla apardı. Bardanı cıxıb kuzadan yerə atanda ordan boylanıb gördü yenə hamı gedib günorta yeməyinə, tarlada üç-dörd belə, kampaniya qalıb, Sahibovunku da o cümlədən. Amma bu dəfə kampaniya lap aralıda qurulubdu. ZİL-i yola salıb başı gicəllənə-gicəllənə kampaniyaya doğru yönəldi. Yenə hər şey, hamı yerli- yerindəydi. Nə istəsən də vardı süfrədə, o cümlədən də şampanski. Oğlanlar ortalığa pul qoyub veriblər Sahibova, o da çalıb çapıb nə desən tapıb hazır eləyib süfrədə. Öz zövqünə görə o qırmızı şampan şərabı, bir də "şipuçi" alır. Lakin dünənki kefi köklük yoxdu məclisdə. Natellanın gizlətmək istədiyi qəmginliyi üzünün ap-ağlığından çıxıb qaraldıbdı hamının qanını. Adil də heç özündə deyildi. Qaşları dartılıb yuxarı çəkilmişdi nəsə, belə müdrik, ruhanı bir görkəm almışdı Adil. Orxan gəlib əyləşən kimi Sahibov stəkanı köpükləndirib ona uzatdı: - Buyurursan, yoxsa gözləyək köpüyü yatsın, ağzınaca qızardım dünənki kimi? - Yox, belə yaxşıdı. - Qərdəş canna içməmişik, səni gözləyirik. Maşallah, bu günkü bardanın da yaxşıdı. Dünən hamımız qatıb bir yerə 119 çəkdik, hərəmizə 25 kq düşdü. Bu gün də düşəcək elə. Mən ölüm, hi-hi-hi! Zahidə nə var, nə vaxt istəsə, harda istəsə gülə bilər, istəyir lap küll aləm yasa batıb ağlasın, ancaq Zahid güləcək elə! - A Zahid, bir saxla söz demək istəyirəm. - Adil ruhanı qaşlarını bir az da dartıb stəkanı əlinə götürərək Sahibova üz tutdu: - Buyruq olmasın Sahibov, yeri o şeylərimizin yanına, orda fartuğun içinə bir araq qoyub arxın içində gizlətmişəm, onu tap gətir. Sahibov araq adı eşitcək qalxıb getdi. - İndi də dəlilik mənim payıma düşüb uşaqlar, bir dəlilik də mən eləmək istəyirəm. Bax, Fəridə yaxşı qulaq as, gör nə deyirəm. Natella olduqca yaxşı qızdı, gözəl qızdı, sevməli qızdı. Orxan dünən bir az axmaq danışdı, ancaq o əslində çox haqlıdı, Natellanı sevməmək mümkün deyil, Orxanı qınamıram da heç. Mən Natellanı sizə necə deyim, bir doğma bacı kimi sevirəm. Natellanın xatirinə dəyməsin, istəmərəm mənim bacım da onun kimi bəzən yelbeyinlik eləsin, ancaq istərəm öz bacım da onun kimi saf, təmiz, açıq ürəkli olsun... Hamı udquna-udquna Adilə baxırdı. Natella pörtüb qızarmışdı, Zərifənin ağzı açıla qalmışdı, İradə diqqətlə dinləyirdi. "Vallah, nəsə söz var Adildə" - fikirləşirdi Orxan. - ... hiylə, məkr, paxıllıq nə şeydi, bilməz Natella. Pislik nə şeydi, bilməz. Hamını özünə dost sayıb qardaş-bacı bilir. Birisinə də uydu, dəli olsun, ağıllı olsun, onu tullayıb atan deyil. Yüz dili yoxdu, bir dili var. Yüz tərəfə baxmır, bir tərəfə baxır. Yaman uzadır Adil, ancaq darıxdırmır adamı. Sözünün nəsə canı var. Hamı sözünün bu canını gözləyir Adilin. - Əlbəttə, Natella lap birinci gündən səhv elədi. İncimə bacım, mən ölüm incimə. Kim sevmir axı? Siz deyirsiniz elə Adil dinməz-söyləməz, sakit, fağır adamdı, Adil sevmir? Adil 120 kişi deyil? Amma bir deyin görüm, bilirsinizmi kimi sevir Adil? Deyə bilərsənmi sən Fəridə? Zərifəyə nə oldu belə? Qəfil tər sıçrantıları göründü üzündə, alnında? Bəlkə daxili həyəcandandı bu? Axı, qızara bilmir qız, qarayanızdı, qırmızılıq qara rəngdə üzə çıxmır axı? Dodaqları səyriyir, gözləri şölələnib, başı axıb gedir qızın. - Özü də beş ildi sevirəm mən. Özünə bir kəlmə deməmişəm, amma bilir o da. Bilir ki, Adil bütün varlığıyla sevir onu, evlənəcək axırda da. Ancaq hələ bizi üzbəüz dayanıb ikilikdə söhbət edən, danışan görməyiblər. Qalan dostlar inciməsin, institutda mənim ən ürək sirdaşım bu Orxan olubdu, amma o da bilmir bu sirrimi!.. - Bilmirdim düzdü, amma indi bilirəm. - Bilirsən? Bilirsən söylə! - Yaxşı düşməz axı... - Söylə, mən deyirəm söylə! - Zərifədi! Zərifənin gözlərinə tor gəldi. Fəridə don qaldı yerində, Natellanın dodaqları büzülüb gözləri bərəldi. - Düzdü, Zərifəai. Soruşa bilərsiniz, mən niyə açmamışam ona qəlbimi? Küçəbəküçə gəzmirik başqaları kimi? Mən özüm istəmirəm ona görə: bəlkə elə sabah bir qəzaya düşüb öləcəyəm, qızın adı qalacaq onda ləkəli? Bir də axı, mən öz gələcək həyat yoldaşıma küçələrdə gəzməkmi öyrədəcəyəm? Biz oyun- oyuncaq ha deyilik? İnsanıq biz. Amma, sənin kimi də oyun oynamırıq Fəridə! Birini burda zənd altında saxlayıb, birini də o yanda tutmuruq. Ya elə, Natella kimi ol sən də, ya bizim kimi ol. Xalxı oyuncaq eləmə əlində. Sənə böyük qardaş kimi öyüd verirəm, məkrli olma, hiyləgər, paxıl olma. Ən böyük biclik, düzlükdü! Heç bilirsən Elxanın yanınca hərlənən o Ramizdi nədi, bir başı boşun biri, gəlib nələr danışır səndən! Qız hesab edir quş vurur onunla dostluq eləməkdə, o da təğəlliyə qoyub avara-avara danışır tələbələrin içində. Çəkib daldaya ağzına bir şəpələk vurmuşam axırda, kəsib səsini, 121 başlayıb quzulanmağa, çox şeylər açıb tökməyə. Hələ dediyin- dən belə çıxır Elxana bizim dünənki məclisimizi də çatdırıblar, onunşün gəlibmiş Elxan, qəsdən bizi pərt eləməyə gəlibmiş! Qan vardı onun gəlişində. Dünən iki adamı ölümdən qurtardım mən! Yoxsa sən elə bilirsən bir heylə adamın içində Elxan Orxanı sındırıb salamat baş aparacaqdı gora? Orxan kimi bir cavanı? Yadından çıxıb mənim fin bıçağımı hələ də qaytarıb qoymayıb cibimə? Təkcə elə Natellanın yanında sınmağı ömrü uzunu sığışdıra bilməzdi Orxan. Elxana baxma, güləşçidi o, öyrəşib yıxıb, yıxılmağa. Halbu ki, bu şəraiti özgəsinə həsəd aparan məkrli, paxıl bir qız başı yaratmışdı!.. - Niyə mənim üzümə baxırsan Adil, məni nə hesab edirsən? - Mən nə dediyimi bilirəm Fəridə. Bütün qan işləri axmaq bir qız fitnəsindən düşür çox vaxt. Nə Elxan Orxandan yaxşı oğlandı, nə Ramiz Sahibovdan. Mən bunların bir dırnağını on- ların on nəfərinə vermərəm. Sahibov da çox yaxşı oğlandı, tər- biyəli, təsərrüfatcıl adamdı. Ondan çox yaxşı bir həyat yoldaşı olacaq sənə! Bu yerdə Sahibov sözləri boğazında qaynada-qaynada gəlib çıxdı: - Halal olsun Adilə, sən öl lap pşeniçnidi, lap mənim sifarişimlədi! Sahibov stəkanları doldurub bir-bir hərəsini öz yiyəsinin qarşısına qoydu. Qızlara pepsi-kola töküb verdi. Kim bilir hardan alıb o pepsi-kolanı. Gələn kimi əlli dost-tanış tapıbdı burda. Sahibov burada əyləşənlərin bir növ ərzaq üzrə baş Nazirləridi. Pul yığmaq, kassa yaratmaq, yemək-içmək təşkil etmək elə bil alnına yazılmış doğma işiydi Sahibovun. Natella s təkanı irəli uzadıb pörtmüş halda Sahibova üz tutdu: - Bura bir az şampan tök ə! Adil çəp-çəp qıza baxdı. Qız dərhal duyub bunu gülümsündü: 122 - Adil, anamın qıbri haqqı hələ dilimə içki dəyməyib, amma indi sizinlə içmək istəyirəm, içəcəyəm də! Az tök Sahibov , lap azca. Hə, yaxşıdı. Qurban olum sizə Adil, yaxşı insanlarsınız vallah. Bu iki-üç gündən bəriki əhvalatlar sizi mənim gözümdə göylərə qaldırıb. Xoşbəxtəm mən, xoşbəxtəm ki, sizin kimi dostlarım var, dərdimə qalan, qayğımı çəkən arxam, köməyim var! Özü də mən bilirəm bax, bu kampaniya vallah özünün bir atamanı sayır məni. Kəsdiyim başa sorğu- sual yoxdu burda, nə eləsəm, neyləsəm, bir nöqsan tutan, bir sözümün başını qovan yoxdu burda. Nə desəm o da olasıdı. Bir sağlığ deyəcəyəm indi, dediyim də yenə qəbul olunacaqdı. Heç kimin də duxu yoxdu qəbul eləməyə! - Kimin nə duxu var! -Zahid coşub qışqırdı. - İçək bu badələri... özülü bax burda, bu pambıq tarlasındakı kampaniyamızda qoyulan iki ailənin, Adillə Zərifənin, Sahibovla Fəridənin sağlığına! - Can bacım, dilinə qurban olum! -Zahid ayağa qalxıb çığırdı -Natella deyən sağlığa! - Natella deyən sağlığa, ataman deyən sağlığa! -deyə Adil stəkanını havaya qaldırdı. Sonra da arağı son damlasınadək başına çəkdi. Natella şampanskidən bir qurtum alınca çeçədi, boğazı tutuldu, Zərifə keçib onun kerəklərinə döyməyə başladı. - Ə, bu nədi ə belə içirsiniz? Vallah ağlınız yoxdu sizin. Mən də deyirəm bir yönlü şeydi bunlar belə içməkdə! Əənə eləyin ə bunu!.. Natella bunu deyib hirslənərək əlindəki stəkanı var gücü ilə yerdəki daşa çırpdı. - Şüşə sındı, xoşbəxt olacaqlar! - Zahid çapan çaldı. Fəridə bayaq Adilin sözlərinə bərk dəyinib ağlayırdı. İndi işin birdən-birə belə yaxşılığa dəyişməsindən hallanıb gülümsünməyə başladı. Çox qəribə bir mənzərə alınmışdı: Fəridənin gözlərində alaca-alaca gilələr oynaşırdı, yanaqları aşağı damla-damla yaşlar süzələnirdi, di gəl gülümsünürdü Fəridə. Orxan mat-məəttəl qalmışdı bu işə. Nə gülümsünməsi 123 çəkilmirdi qızın üzündən, nə şora verib axan göz yaşları quruyub kəsilmək bilmirdi. Həm ağlayırdı Fəridə, həm gülümsünürdü. Ö mründə ilk kərəydi belə bir şey görürdü Orxan. "Gəncliyi bahar səmasına buna görə bənzədiblər - deyə düşündü. Baxırsan həm gün çıxıb bahar səmasından, həm yağış səpələnməkdədi". Yüklə 1,51 Mb. Dostları ilə paylaş:
|