Tillar va adabiyot kafedrasi

 

---

163 
Tavsifnoma namunasi: 
O‘z.DSMI Xalq ijodiyoti fakulteti 
XARAR yo‘nalishi 4-bosqich talabasi, 
1995-yilda tug`ilgan, o`zbek 
N.A.Shukurovaga
TAVSIFNOMA 
Nazokat Abdullayevna Shukurova o`rta maktabni tugatgach, 2013-yilda Xalq 
ijodiyoti fakultetining XARAR yo‘nalishi 1-bosqichiga o`qishga qabul qilindi. 
Institutda tahsil olish davrida u intizomli, ziyrak va zukko talaba sifatida o`zini 
ko`rsatdi. Bilimlarni qunt bilan o`rganishga harakat qiladi. Mutaxassislik fanlariga 
alohida qiziqadi. U 2015-yilning aprel oyida talabalarning Xalqaro ilmiy 
konferensiyasida ma’ruza bilan qatnashdi. Ma’ruzasi konferensiyaning faxriy yorlig`i 
bilan taqdirlandi.
Nazokat Shukurova fakultetning jamoat ishlarida faol qatnashadi, fakultetning 
“Yosh tadqiqotchi” to`garage a’zosi. U kamtarin va to`g`riso`zligi, mehribonligi 
tufayli kursdoshlari hurmatiga sazovor bo`lgan. 
Tavsifnoma Mirzo Ulug`bek tumani hokimligiga taqdim etish uchun berildi. 
Xalq ijodiyoti fakulteti dekani: (imzo)
(S.S.Jumayev) 
Kasaba uyushmasi raisi: (imzo) 
(M.K.Salimov) 
(muhr) (sana) 
 
Mashq.
Insonga xos belgi-xususiyatni ifodalovchi so‘zlarni ijobiy va salbiy 
munosabat bildirishga ko‘ra ikki ustunga ajratib ko‘chiring. 
Halol, g‘amxo‘r, maqtanchoq, samimiy, sipo, qo‘pol, mas’uliyatsiz, e’tiborli, 
mehribon, loqayd, jamoat ishlari sust, to‘g‘riso‘z, beparvo, dangasa, talabchan, 
ko‘ngilchan, shirin so‘z, janjalkash, tashabbuskor, andishali, indamas, odamovi, 
kishilarga aralashmaydigan, obro‘li, ginachi, sovuqqon, qobiliyatli, bilimi bo‘sh, 
iqtidorli. 
 
Mashq.
a) xodim (talaba)ning ish (o‘qish)ga munosabatini ifodalovchi 
quyidagi so‘z va so‘z birikmalarini o‘z misollaringiz bilan to‘ldirib, daftaringizga 
ko‘chiring. 
Vijdonli, mehnatsevar, tashabbuskor, ishni o‘z vaqtida bajaradigan, ongli, 
dunyoqarashi keng, siyosiy yetuk, o‘zi va o‘rtoqlariga talabchan, o‘z ishini yaxshi 
biladigan, intizomli, hozirjavob, mas’uliyatli. 
b) ushbu so‘z va qoliplashgan so‘z birikmalaridan foydalanib guruhdoshingiz 
(o‘qituvchingiz)ning o‘z ishiga munosabatini yorituvchi tavsifnoma matnini 
tayyorlang. 
TARJIMAYI HOL 
Ma’lum bir shaxs tomonidan o‘z shaxsiy hayoti va faoliyati haqida bayon 
qilingan yozuv tarjimayi hol deyiladi. Tarjimayi hol bir xil andozaga ega emas, 
mufassar yoki muxtasar yozilishi mumkin. U muallif tomonidan mustaqil tuziladigan 
hujjatdir.
Tarjimayi holning asosiy zaruriy qismlari:

---

164 
1. Hujjatning nomi (Tarjimayi hol) 
2. Matn:
a) muallif familiyasi, ismi va otasining ismi;
b) tug‘ilgan yil, kun, oy va tug‘ilgan joyi;
c) millati, ijtimoiy kelib chiqishi;
d) ota-onasi haqida qisqacha ma’lumot (familiyasi, ismi va otasining ismi va 
ish joyi);
e) ma’lumoti (qayerda, qanday o‘quv yurtini tugatganligi va ma’lumotiga ko‘ra 
mutaxassisligi);
f) ish faoliyatining turlari; 
g) oxirgi ish joyi va lavozimi;
j) mukofot va rag‘batlantirishlar;
z) jamoat ishlarida ishtiroki;
i) oilaviy ahvoli va oila a’zolari;
k) pasport ma’lumotlari;
l) turar joyi (uy adresi), telefoni.
3. Sana.
4. Imzo.
Barcha ma’lumotlar davriylik (xronologik) asosida, aniq sanala bilan (iloji 
boricha yili, oyi, kuni ko‘rsatilgan holda) beriladi. Barcha raqamlar arab raqamlarida 
ifodalanadi. Tarjimayi hol shunday tuzilishi kerakki, u bilan tanishgan kishi 
muallifning hayot yo‘li, faoliyati haqida muayyan tasavvurga ega bo‘lsin.