ishtirokchilarning bir-birlarini tushuna olishlari va qo‘llashi
Pedagogik oʻyinlarni tashkil etish va oʻtkazish tartibi. Oʻyin jarayoniga hech kim xalaqit qilmasligi kerak. Zaruriyat boʻlsagina faqat boshlovchi ishtirokchilarning harakatlarini tuzatishi, ularni toʻg‘ri yoʻnaltirishi mumkin.
Pedagogik maqsadlarda qoʻllaniladigan oʻyinlar quyidagi texnologiyaga ega:
Har qanday jarayon singari oʻyin yakunida uning tashkil etilishi, oʻtkazilishi yuzasidan muhokama uyushtirish zarur. Muhokama chog‘ida oʻyin ishtirokchilari, tomoshabin (jamoaning oʻyina ishtirok etmagan a’zolari), ekspertlar oʻyinning tashkil etilishi va oʻtkazilishi yuzasidan oʻz fikr-mulohazalari, takliflarini bildiradi.
Muhokama jarayoni quyidagi tartibda tashkil etiladi:
- taqrizchilarni chiqishlari;
- fikrlar almashinuvi;
- ishtirokchilarning oʻz qarorlari va xulosalarini himoya qilishlari;
- oʻyinga yakun yasash.
Oʻyin texnologiyalarining metodik ta’minoti loyiha, oʻyinning mezonlari, ish qog‘ozlari (metodik koʻrsatmalar), oʻyin mohiyatini yorituvchi hujjatlar (ssenariy) kabilardan iborat. Pedagogik jarayonda qoʻllaniladigan oʻyinlar sub’yekt faoliyatini taqozo etadigan hamda mashina (kompyuter) oʻyinlari tarzida farqlanadi. Oʻyinlar chog‘ida turli vositalar (kompyuter, imitatsion trenajyorlar, sport anjomlari (koptok, arqon, halqa), xomashyolar (plastlin, yumshoq oʻyinchoqlarni yasash uchun materiallar, rangli qalamlar, ish qog‘ozlari, oʻyinchoqlar legolar, konstruksiyalar, dekoratsiyalar kerak boʻladi.
Oʻquv jarayonida oʻyin texnologiyalarining oʻrni, roli, shuningdek, oʻyin elementlari hamda ta’limning oʻzaro uyg‘unligi koʻp jihatdan oʻqituvchi tomonidan pedagogik oʻyinlar mohiyati, funksiyasi va turlarining qanchalik tushunilishi bilan belgilanadi. Aksariyat pedagogik oʻyinlar oʻzida quyidagi belgilarni namoyon qiladi
- ijodiy topshiriqlar;
- kreativ yondashishni taqozo etuvchi vazifalar;
- muammoli vaziyatlar;
- rolli va ishbilarmonlik oʻyinlari;
- bahs-munozara, debat;
- musobaqa koʻrinishidagi bellashuvlar.
