Lanpostua: Hezkuntza eta Gazteriako Administrari Laguntzailea.
Taldea: C2
Titulazioa: Derrigorrezko Bigarren Hezkuntzan Graduatua.
Hizkuntza eskakizuna: 3, derrigorrezkoa (derrigorrezkotasun data 2008.04.01)
Lanpostu mailako osagarria: 13
Osagarri espezifikoa: 10.285,72 euro.
Lanpostuaren zeregin nagusia: Lanpostuaren zeregin nagusia da Hezkuntza eta Gazteria Zerbitzuei laguntza administratiboa ematea haien espedienteak tramitatzeko, eta haiek kudeatutako alorretan herritarrei informazioa emateko lanak egitea, Musika Kontserbatorioa barne.
Egiteko nagusiak:
Hezkuntza eta Gazteria Zerbitzuetako espediente administratiboak tramitatzea, Musika Kontserbatorioa barne.
Idatzi eta idazki ofizial errazak idaztea eta dagokion erregistroan irteerak jasotzea.
Dagokion Ordezkaritzaren Ebazpenak zenbakitu, artxibatu eta igortzea.
Erosketa sailari eskariak egitea.
Modu pertsonalean kontsultak egin nahi dituzten herritarrei hitzorduak ematea, “Aurretiko Hitzordua” aplikazio informatikoaren bidez.
Jendeari arreta eskaintzea aurrez aurre, telefonoz eta telematika bidez.
Hezkuntza eta Gazteria Zerbitzuek kudeatutako jardueretan izena emateko prozesuak kudeatzen laguntzea, eta baita Kontserbatorioko edo Haur Hezkuntzako matrikulazioak ere.
Laguntza ematen duen Zerbitzuetan kudeatutako espazioen, ikasgelen eta ekipamenduen erreserbak bideratzea.
Laguntza ematen duen Zerbitzuekin loturiko irakasleei euskarri administratiboa ematea, eta laguntza ematen duen Zerbitzuek kudeatutako ikastetxeen funtzionamenduarekin loturiko intendentzia kontu errazez arduratzea.
Musika Kontserbatorioarekin eta Haur Eskolarekin loturiko zerbitzuak emateagatik ordaintzen diren tasekin zerikusia duten tramitazio errazak egitea.
Espedienteak prestatzea gero Artxibora bidaltzeko.
Dituen zereginekin eta duen kategoria profesionalarekin loturik eska dakiokeen beste edozein egiteko.
437- Kontserbatorioko Administraria, eta 431- Hezkuntza eta Gazteriako Administraria lanpostuek “Hezkuntza eta Gazteriako Administraria” izeneko lanpostu bereko bi zuzkidura osatuko dituzte, eta haien betetzea langile funtzionarioentzat gordea dago, honako monografia honekin:
Plaza: Administraria
Lanpostua: 431-Hezkuntza eta Gazteriako Administraria.
Taldea: C1
Titulazioa: Batxiler edo Teknikari titulua.
Hizkuntza eskakizuna:3, derrigorrezkoa (derrigorrezkotasun data 2016.07.01 hornidura berriarentzat, eta 2001.12.31 indarrean zegoenarentzat)
Lanpostu mailako osagarria: 16
Osagarri espezifikoa: 9.451,68 euro (102 puntu), lanpostuak bulegoetako ordutegia burutzen duenean, eta 11.305,44 euro (122 puntu), lanaldia zatituta baldin bada.
Lanpostuaren egiteko nagusia:Lanpostuaren egiteko nagusia da administrazio izaerako hainbat lan egitea Hezkuntza eta Gazteria Zerbitzuetarako.
Egiteko nagusiak:
Hezkuntza eta Gazteria Zerbitzuek kudeatutako espedienteen administrazio tramitazioaz arduratzea.
Eskumena duen organoak sinatzeko ebazpenak prestatzea, eta baita era guztietako idatziak ere Hezkuntza eta Gazteria Zerbitzuen kudeaketarekin loturik.
Hezkuntza eta Gazteria Zerbitzuek tramitaturiko Ebazpenak zenbakitu, artxibatu eta bidaltzea.
Erosketa sailari eskariak egitea eta zerbitzu orokorrekin koordinatzea.
Oro har, jendeari arreta ematea, ezartzen den edozein bidetatik, eta beharreko teknikarien eta ordezkariaren hitzorduen agenda kudeatzea.
Hezkuntza eta Gazteria Zerbitzuek kudeatutako jardueretan izena emateko prozesuak kudeatzea, eta baita Kontserbatorioko edo Haur Hezkuntzako matrikulazioak ere.
Materialen harrera, emate agirien eta mantentze agirien sinatzea gainbegiratzea, eta baita dagokien sailetara egiten diren eskarien bidalketak ere.
Laguntza ematen duen Zerbitzuetan kudeatutako espazioen, ikasgelen eta ekipamenduen erreserbak kudeatzea.
Laguntza ematen duen Zerbitzuekin loturiko irakasleei euskarri administratiboa ematea, eta laguntza ematen duen Zerbitzuek kudeatutako ikastetxeen funtzionamenduarekin loturiko intendentzia kontu errazez arduratzea.
Musika Kontserbatorioarekin eta Haur Eskolarekin loturiko zerbitzuak emateagatik ordaintzen diren tasak kitatze eta kobratzeko prozesuan laguntzea, horrela agintzen zaionean.
Arloko kontratuen esleipendun diren enpresen fakturazioa kontrolatzea.
Arloko Unitate Administratiboan erabiltzen diren datu-baseak eguneratzea.
Dituen zereginekin eta duen kategoria profesionalarekin loturik eska dakiokeen beste edozein egiteko.
HIRIGINTZA ETA INGURUMENA:
Desagertzeko deklaratu da 153- Lurralde Informazio Teknikaria lanpostua.
Plaza: Administrazio Bereziko Erdi Mailako Teknikaria
Lanpostua: Informazio Geografikoko Teknikaria.
Taldea: A2
Titulazioa: Ingeniaritza eta Arkitektura adarreko gradua edo unibertsitate titulazio baliokidea.
Hizkuntza eskakizuna: 3, derrigorrezkoa (derrigorrezkotasun data 2016.07.01)
Lanpostu mailako osagarria: 22 (behin behinekoa)
Osagarri berezia: 10.934,46 euro (behin-behinekoa, 118 punturi dagokiena).
Lanpostuaren zeregin nagusia: Udalaren Informazio Geografikoko Sistemaren kudeaketa osoaz eta mantenuaz arduratuko da lanpostu hau, eta ardura horren barruan hainbat ildo zehaztuko dira udaleko kartografia mantentzeko eta udal jarduerari buruzko informazio guztia integratzeko behar diren espazio-datuen ereduak ezartzeko, hain zuzen geografikoki errefentziaturiko moduan jaso behar dena, udal arloen plangintza eta kudeaketa erraztu ahal izateko, eta baita haien arazo nagusiak konpontzeko ere.
Egiteko nagusiak:
Udal arloen jardueratik etorritako geografia-datu multzoak planifikatu, definitu, antolatu eta iraultzea, arreta berezia eskainiz beren jarduera zuzenean lurraldean oinarritzen dutenei.
Lurraldearen gainean zuzenean esku hartzen duten udal zerbitzuek egindako lanak aztertzea, eta baita kudeatzen duten informazioa ere, geoerreferentziatu ahal izateko eta Udalaren Informazio Geografikoko Sisteman sartu ahal izateko.
Informazio geografikoa mantentzeko eta eguneratzeko prozedurak definitzea, halakotzat hartuta informazio geografiko osoa (kartografia, plangintza eremuak eta abar), eta baita Udalaren Informazio Geografikoko Sisteman jaso daitekeen alfazenbakizko informazioa ere.
Udal kartografia altxatzeko eta mantentzeko zerbitzuen kontrataziorako gestioaren zuzeneko ardura edukitzea, eta emandako informazioaren kalitatearen kontrola bere gain hartuz.
Udaleko Informatika Zerbitzuaren laguntzaz, Udaleko Informazio Geografikoko Sistemaren oinarria eratzen duten espazio-datuen azpiegitura eta ereduak definitzea eta garatzea, hirigintzako planeamendu orokorraren trataera eta gestioa ahalbidetuz, baita kontsulta, hedapena, garapena, aldaketa, planetara eramatea eta bestelako operazioak ere ere, eta horien artean udalaren gestioarekin batera gainerako elementu geoerreferentziagarrien gainerako baseak sartuko dira, eta, bereziki, udaleko altzariei eta ekipamenduei dagozkienak, eta baita hiriko azpiegiturei zein sareei dagozkienak ere.
Informazio geografikoaren alorrean Udal Zerbitzu desberdinek adierazten dizkioten beharrak aztertu, planifikatu eta erantzutea.
Udal arloek eta zerbitzuek Udalaren Informazio Geografikoko Sistema erabil dezaten bultzatu eta sustatzea, eta horretarako, sisteman integratuko dira gestio eremuetan erabiltzen diren datu geoerreferetziagarrien multzoak, hala egiteak haien kudeaketa edo hirugarrenena errazten duela ulertzen bada.
Lurralde arloetako teknikariei laguntzea proiektu tekniko oro garatzeko, harekin loturiko informazio geografikoa emanez, eta beharreko dokumentazio teknikoa osatzeko behar diren planoak eta lanak eginez.
Informatika Zerbitzuarekin lankidetzan aritzea interneten bidez herritarrei zuzenean zuzendutako geografia zerbitzuak ekoizteko, hana nola kaleen mapa, kartografia zerbitzuak kargatzeko eta beste batzuk ere bai.
Partikularrei eta beste udal zerbitzuei hirigintza plangintzarekin edo garapenarekin loturiko hirigintza kontuei buruzko informazioa ematea, Udalean modu geoerreferentziatuan dagoen informazioaren arabera.
Bere arduradunek eskatzen dizkioten lan guztiak egitea adierazpen geografikoan eragina dutenean, udal arlo eta zerbitzu desberdinei laguntzeko.
Dituen zereginekin eta duen kategoria profesionalarekin loturik eska dakiokeen beste edozein egiteko
MUGIKORTASUNA, BIDE PUBLIKOA ETA OBRAK:
65- Elektrizitate arduraduna lanpostua desagertuko da.
Bide Publikoko Ikuskatzailea lanpostua sortu da, ondorengo ezaugarriak eta egitekoak dituena:
Titulazioa: Mantentze Elektronikoko Goi Mailako Teknikaria; Sistema Elektrotekniko eta Automatizatuetako Goi Mailako Teknikaria; Instalazio Elektriko eta Automatikoetako Teknikaria.
Hizkuntza eskakizuna: 3, derrigorrezkoa (derrigorrezkotasun data 2015.12.31)
Lanpostu mailako osagarria:17 (behin behinekoa)
Osagarri espezifikoa: 12.139,05 euro (behin-behinekoa, 131 puntu).
Lanpostuaren egiteko nagusia: Mantentze Arloko Buruaren zuzendaritzapean, bide publikoan dauden instalazio elektroteknikoen instalazioa eta mantentze lana ikuskatzeaz arduratuko da, eta baita hiri altzarien osagarri diren azpiegitura batzuen sistema elektronikoa ikuskatzeaz ere, haien funtzionamendua, kalitatea, segurtasuna eta kontserbazioa ziurtatuz. Era berean, Irungo Udal barrutiko zuhaizti eta lorategi eremuen kontserbazio lanen garapena ikuskatzeaz arduratuko da, eta baita bide publikoan aurrera eramaten den beste edozein kontserbazio lanez ere.
Egiteko nagusiak:
Bidea publikoan dauden argien eta seinaleen instalazio elektrikoen muntatzea eta mantentzea ikuskatzea, lan horiek gauzatzeari begira beharrezkotzat hartzen dituen iradokizunak eta zehaztapenak eginez bere gainekoei.
Bide publikoan jarritako edozein instalazio eta kontserbazio lan ikuskatzea, sistema elektronikoak dituenean, egokitzat hartzen dituen zehaztapen teknikoak eginez.
Bere nagusiek eskatuta, instalazio edo sistema elektroteknikoen zehaztapenei eta eskakizunei buruzko txostenak prestatzea, proiektu edo memoria teknikoak egiteko datuak eskuratuz.
Bide publikoko ekipoen eta elementu elektronikoen eta instalazio elektrikoen ezaugarri teknikoak kalkulatzea, haien segurtasuna eta kalitatea zainduz eta indarrean dagoen araudia betetzen dela ziurtatuz.
Bide publikoko eta udal ondare eraikiko instalazioen muntatze eta mantentze lanen lan agiriak kontrolatzea, lanak gauzatzean kalitatea ikuskatuz eta Udalari fakturatzen zaizkionak egiaz egindakoekin bat datozela egiaztatuz.
Ausazko ikuskapenak egitea bide publikoko instalazio elektrikoen funtzionamenduari buruz, eta baita hiri altzarien osagai elektronikoei buruz ere, nagusiei sumaturiko akatsen berri emanez, eta enpresa instalatzaileei zuzentzeko eskatuz.
Instalazioen eta sistema elektroteknikoen konfigurazio lan txikiak egitea, arauzko zehaztapenen eta aginduen arabera.
Instalazioen eta sistema elektroteknikoen muntaia eta probak planifikatzea, dokumentazio teknikoan edo obraren ezaugarrietan oinarrituta.
Instalazio elektrikoen muntatze prozesuak gainbegiratzea, obraren baldintzetara egokitzen direla egiaztatuz eta haien aurrerabidea kontrolatuz, Udalaren helburuak eta kalitate estandarrak bete ahal izateko.
Instalazio elektroteknikoen mantentze lanak planifikatzea eta ikuskatzea, araudian, instalazioaren baldintzetan eta Udalaren kalitate estandarretan oinarrituta.
Instalazio elektrotekniko batzuen zuinketarako proposamenak egitea, beharreko irizpide teknikoaren arabera eta instalazio horien iraunkortasuna eta energia eraginkortasuna bermatu ahal izateko.
Instalazio elektroteknikoen muntatze eta kontserbazio lanetan laneko arriskuen prebentzioari buruzko araudia betetzen dela egiaztatzea, indarrean dagoen araudiak zehaztutakoaren arabera.
Ekipo edo sistema elektronikoetan gertatzen diren disfuntzioen edo matxuren diagnostikoa egitea, sumatutako sintometan, erabiltzaileak eskainitako informazioan, informazio teknikoan eta instalazioaren historian oinarrituta.
Hiri altzarietako sistema elektronikoen prebentziozko mantentze, mantentze zuzentzaile eta mantentze prediktiboko prozesuak ikuskatu edo/eta gauzatzea, denborak eta emaitzen kalitatea kontrolatuz.
Ekipo eta sistema elektronikoak zerbitzuan jartzea, haien funtzionamendua ziurtatuz onartze parametro teknikoen barnean eta kalitate eta segurtasun baldintzak ziurtatuz.
Dokumentazio teknikoa eta administratiboa prestatzea, ekipo eta sistema elektronikoak mantentzeko eta konpontzeko dokumentu sistema eduki ahal izateko.
Irungo udal barrutiko zuhaiztien eta lorategi eremuen kontserbazio lanen gauzatzea ikuskatzea, nagusiei beharreko informazioa emanez sumaturiko akatsen inguruan, eta baita elementu horien egoeraren inguruan ere.
Udal teknikariei laguntzea bide publikoko beste edozein elementuren egoera ikuskatzeko eta egiaztatzeko lanetan, edo bideetako beste edozein obra edo jarduera ikuskatzeko lanetan.
Bere kategoriaren barnean, nagusiek agindu diezaioketen antzeko beste edozein eginkizun.
491- Delineatzailea lanpostuko zuzkidura bat desagertuko da (Derrigorrezko hizkuntza eskakizunarekin eta derrigortasun data 2016.12.31), eta haren lekuan, Lurralde Informaziorako Teknikari Laguntzailea lanpostua sortuko da, zuzkidura bakarrarekin, eta ondorengo ezaugarri eta eginkizun hauek dituena:
Lanpostua: Lurralde Informazioko Teknikari Laguntzailea.
Taldea: B
Titulazioa: Goi Mailako Lanbide Heziketa titulua, Eraikuntza eta Lan Zibila; edo Fabrikazio Mekanikoa lanbide arloetan edo indarrean dagoen araudiak baliokidetzat hartutako beste edozein titulazio.
Hizkuntza eskakizuna: 3, derrigorrezkoa (derrigorrezkotasun data 2017.06.30)
Lanpostu mailako osagarria: 19 (behin behinekoa)
Osagarri espezifikoa: 11.768,77 euro (behin-behinekoa, 127 puntu).
Lanpostuaren egiteko nagusia: Bide Publiko eta Ondare Eraikiko Arduradunaren zuzendaritzapean, informazio geografikorako sistema eta oinarri kartografikoak egunean edukitzeaz arduratuko da, eta baita delineazio eta adierazpen grafiko eta digitalizazio lanak egiteaz eta planoak gauzatzeaz ere.
Egiteko nagusiak:
Informazio geografikoko sistema eta oinarri kartografikoak egunean edukitzea, teknikariek eta bide publikoan elkarreragiten duten kanpoko enpresek ematen dioten informazio grafikoa sistema horretan irauliz.
Inbentarioak egiteaz arduratzen den udal Ikuskatzailearen landa lana koordinatu eta ikuskatzea, informazio geografikoko sisteman iraultzen den informazioa errealitatearekin bat datorrela ziurtatzeko.
Hala eskatzen zaionean, neurketak, datu bilketak lekuan bertan, eta topografia nahiz kartografia lanak egitea.
Bide publikoaren gaineko esku hartzeen plangintzan eskumena duten udal teknikariekin koordinatzea, informazio geografikoko sistemaren informazioa eguneratua eduki ahal izateko.
Proiektuen dokumentazio grafikoa prestatzea, eta haiek definitzeko beharreko planoak egitea, ordenagailuz lagundutako diseinurako aplikazio informatikoak erabiliz.
Ereduak, planoak eta aurkezpenak egitea 2D eta 3D formatuetan, proiektuen bisualizazioa eta ulermena errazteko.
Eraikuntza proiektuen eta obren dokumentazioa kudeatzea, finkatutako kalitate irizpideen arabera erreproduzitu eta antolatuta.
Jendeari arreta eta gainerako udal arloei, proiektuen, kartografiaren, azpiegituren eta abarren inguruko informazioa ematea.
Informazio grafiko informatizatua ematea, hala oinarri kartografikoen nola Arloan aurrera eramandako beste lan batzuen inguruan.
Antzeko beste edozein zeregin, bere kategoria profesionalaren araberakoa bada.
Desagertzeko deklaratu da 244- Staff Teknikoa Unitateko Arduraduna lanpostua, eta haren ordez, Bide Publikoaren eta Ondare Eraikiaren Mantentze Arduraduna lanpostua sortu da, zuzkidura bakar batekin eta ondoreko ezaugarri eta eginkizun hauek dituena:
Lanpostua: Bide Publikoaren eta Ondare Eraikiaren Mantentze arduraduna.
Taldea: A1
Titulazioa: Ingeniaritza eta Arkitektura adarreko gradua edo unibertsitate titulazio baliokidea.
Hizkuntza eskakizuna: 3, derrigorrezkoa (derrigorrezkotasun data 2016.12.31)
Lanpostu mailako osagarria: 26 (behin behinekoa, 192 puntu)
Osagarri espezifikoa: 17.791,66 euro (behin-behinekoa).
Lanpostuaren egiteko nagusia: Arloko zuzendaritzaren mende, eta hiri mantenuaren eta udal eraikinen kargu dauden langileen gainean hierarkia agintearekin, bide publikoko elementu oro eta udal ondare eraikia mantentzeko eta kontserbatzeko lana antolatu, planifikatu eta zuzentzeaz arduratuko da.
Egiteko nagusiak:
Bide publikoa (zoladurak, hiri altzariak, argiteria publikoa, lorategiak eta abar) mantentzeko lana antolatzea, planifikatzea eta zuzentzea.
Ondare eraikiaren (udal eraikinak, ikastetxeak eta kirol instalazioak) kontserbazioarekin loturiko lana antolatzea, planifikatzea eta zuzentzea.
Arloko teknikariei laguntzea pleguak, proiektuak eta obra zuzendaritzak idazten, argiteria publikoarekiko, hiri altzariekiko eta berdeguneekiko afekzioari dagokionean, eta baita bide publikoko instalazioei eta ondare eraikiari dagokienean ere.
Udal ondare eraikiaren kontserbazio egoerari eta erabilerari buruzko azterketak egitea, inbertsioak egiteko beharrari begira egokitzat hartzen dituen kontsiderazioak eginez.
Arloko informazio geografikoko sistemaren (GIS) proiektua planifikatzea eta kudeatzea, gainerako udal arloekin koordinatuta.
Hiri mantenuaren eta eraikinen alorrean gastu arrunta ordaintzeko gordetako udal aurrekontuak kudeatzea, baliabide publikoen erabileran eraginkortasuna bultzatuz.
Udal energia kontsumoa (argiteria publikoa eta eraikinak) aztertzea eta kontrolatzea, energiaren eraginkortasuna bultzatzeko neurriak proposatuz eta bultzatuz.
Hala eskatzen zaionean, Irungo Udalaren kontratazio mahaian parte hartzea, hartan onartzen edo esleitzen diren kontratuen inguruan irizpen teknikoa emanez.
Bere nagusiek eskatutako beste edozein, bere lanbide titulazioaren araberakoa bada.
286- Herri Lanetako Ingeniari Teknikoa lanpostuaren izena aldatu da, eta haren ordez, Mugikortasun eta Obra Teknikariarena sortu da eta haren monografia eguneratu da. Honela geratuko litzateke:
Plaza: Administrazio Bereziko Erdi Mailako Teknikaria
Lanpostua: Mugikortasun eta Obra Teknikaria.
Taldea: A2
Titulazioa: Gradua edo unibertsitate titulu baliokidea Herri Lanetako Ingeniaritza Zibilean edo Ingeniaritza Teknikoan; Herri Lanetako Ingeniari Teknikoaren lanbide arautua burutzeko gaitzen duen edozein titulazio.
Hizkuntza eskakizuna: 3, derrigorrezkoa (derrigorrezkotasun data 2015.12.31)
Lanpostu mailako osagarria: 21 (behin behinekoa)
Osagarri espezifikoa: 13.621,77 euro (behin-behinekoa, 147 puntu).
Lanpostuaren egiteko nagusia: Arloko zuzendaritzaren mende, urbanizazio proiektuak ikuskatzeaz eta Udalak kontrataturiko ingeniaritza zibileko obren gauzatzearen jarraipena egiteaz arduratuko da, eta baita obra proiektuak idazteaz eta eskatzen zaion udal obren zuzendaritzaz ere. Era berean, hiriko hiri sarean mugikortasun planen definizio teknikoaz eta inplementazioaz arduratuko da, eta baita garraio publiko eraginkorra eta bide publikoaren okupazio iraunkorra izatearekin loturiko ekimen teknikoak proposatzeaz ere.
Egiteko nagusiak:
Hiri mugikortasun planak inplementatzeko proposamen teknikoak egitea, ibilgailu motordunen eragina murrizteko eta mugikortasunaren ikuspegitik begiratuta hiri ingurune iraunkorrak osatu ahal izateko.
Urbanizazio proiektuak ikuskatzea, haien bilakaerari buruzko informazioa emanez egoera ezin hobean harrera egiteko.
Udalak kontrataturiko ingeniaritza zibileko obren gauzatzearen jarraipenaz arduratzea, arduradun zuzenei haien bilakaeraren berri emanez.
Oinarrizko izaerako obra proiektu teknikoak idazteaz arduratzea, eta hirugarrenek obra proiektuak idazteko kontrataziorako datu hartzea koordinatzea.
Obra proiektu bat onartzeko txosten teknikoak egitea, haien iraunkortasuna bultzatuz eta hirian mugikortasuna hobetuko dela ziurtatuz.
Mugikortasun Arloko, Bide Publikoko eta Obretako esku hartzeak mugikortasun iraunkorraren ikuspegitik begiratuta egokiak izan daitezen bultzatzea eta ikuskatzea, horretarako beharreko proposamen teknikoak eginez.
Izaera errazeko udal obren zuzendaritza bere gain hartzea, halakorik eskatzen zaionean.
Irungo Udalerrian obrak behar bezala egiten direla kontrolatzea, lanen bilakaera begiz ikuskatuta eta beharreko zuzentze lanak egiteko eskatuz.
Obrak egiten diren bitartean sustatzaileek proposatzen dituzten aldaketa proposamenak onartzea, haiek udal interesen eta jarraibideen araberakoak direla ziurtatuz.
Obra sustatzaileei aholkuak ematea proiektuaren gauzatzearekin loturiko alderdi teknikoei buruz, beharrezkotzat hartzen denean hartan aldaketak proposatuz.
Udal jardueren txosten teknikoak egitea mugikortasunaren, trafiko plangintzaren, bide segurtasunaren eta hiri garraioaren alorretan.
Bide publikoa okupatzeko espedienteen alorrean txosten teknikoak egitea, Udaltzaingoarekin elkarlanean.
Kontratazio espedienteak zuzentzea eta haien jarraipena egitea, eta udalaren eskumeneko alorretan (Hiri garraioa, TAO eremuak, taxiak, hiri mugikortasuna eta abar) erantzukizuneko zerbitzuak ematen dituzten azpikontrataturiko enpresen kudeaketa kontrolatzea, Arloko Zuzendariari sumaturiko arazoen eta lortutako emaitzen berri emanez, eta hobekuntza programak planteatzea.
Udaltzaingoarekin elkarlanean aritzea trafikoa eta aparkaleku arautuko eremuak planifikatzeko lanetan.
Antzeko beste edozein zeregin, bere kategoria profesionalaren araberakoa bada.
390- Herri Lanetako Goi Mailako Ingeniaria lanpostuaren izena aldatu da, eta haren ordez, Mugikortasun eta Obra Ingeniariarena sortu da, eta gainerako ezaugarriak bere horretan gelditu dira.
Desagertzeko deklaratu da 350- Mugikortasun eta Bide Publikoko Teknikaria lanpostua, ez ordea haren euskarri den Administrazio Bereziko Erdi Mailako Teknikari plaza.
