Buufata buufata 2 gabayaa bunaa itiyoophiyaa bahaa ilaalchisee barreefama ummataaf qophaahe 3

1.2.2. Gabayaa buna Itiyoophiyaa

Buna Itoophiyaatiif magaalaan guddaan kan argamu biyyoota Awroophaa ti. Buna Itoophiyaa alatti ergamu keessaa walakkaan isaa gama biyyoota Awroophaa deema. Ruubiin buna Itoophiyaan alatti ergitu ammoo biyoota Eeshiyaa dhaqa. Gama Ameerikaa Kaaba kan dhaqu ammoo daldaltoota dhuunfaatiini. Itoophiyaa keessatti bunni waldootaan gama biyya alaatti gurguraaf ergamu dhibeentaa 6 (6%) qofa.

Bunni dhiqamaan sadarkaa ol’naa Itoophiyaa kan Yirgaacaffee fi Sidaamoo sadarkaa 2^ffaa ykn sadarkaa 3_ffaa qabaata. Bunni gogiinsaan qophaaye kan Baha Itoophiyaa ammoo sadarkaa 3^ffaa ykn sadarkaa 4^ffaa qabaata. Garaagarummaan kunis kan uumamu danda’e haala bunni itti qophaayu ykn raawwatamu irraa kan ka’e.

Buna Itoophiyaa keessaa dhibeentaan 63.7 (63.7) Oromia, dhibeentaan 34.4 (34.4) ammoo Naannoo Ummata Kibbaa keessatti hoomishama. Itoophiyaa keessatti bunni haala ykn sirna afuriin hoomishama. Isaanis buna daggalaa, buna gartokkeen isaa daggalaa, buna qe’ee fi buna dhaabbii jedhamuudhaan beekkamu. Buna Itoophiyaa kessatti hoomishamu keessaa bunni daggalaa dhibeentaa 10 (10%), bunni gartokkeen isaa daggalaa dhibeentaa 35 (35%), bunni qe’ee dhibeentaa 35 (35%) fi bunni dhaabbii ammoo dhibeentaa 20 (20%) qabatu.

1.2.3. Amalli addaa buna Itoophiyaa maal fa’aa?

Itoophiyaan biyyoota adunyaa hundarra biyya sanyiin bunaa baay’inaan itti argamu. Qorannooleen garagaraa kan agarsiisan bunni Itoophiyaa asiidii, urgaa fi mi’aa guutuu qabaachuu isaatiin bekkama. Bunni Itoophiyaa urgaa ykn shurufkaa gaarii, dhangala’a namatti toluu fi asiidummaa uumamaa kan mataa isaa qaba.

Itoophiyaa keessatti, naanoolee buna gosa adda addaa biqilchan saditu jira. Itoophiyaan bahaa buna gogiinsaan hojjatamu kan hinmiicamnee fi uuma ta’een beekkama. Bunni isaas buna Harar jedhamee kan beekkamu yammuu ta’u, mallattoon isaas buna cuunfamaa fi dhangala’a gaarii, sirna biqiltummaa addaa ta’e qabu, asiidummaa ifaa fi qaamaan jiddu-galaa fi guddaa kan qabu, akkasuma fiinxee isaarratti gogaa kan ta’e ta’uu isaati. Kibbi Itoophiyaa kan ittiin beekkamu ammoo buna jiidhinaan hojjatamu ykn miicamu fi urgaa ykn shurufkaa mataa isaa qabuuni. Bunni Yirgaacaffee kan beekkamu qaama lallaafaa, dhandhama mi’aayaa fi urgaa abaaboo fi fuduraa of keessaa qabaachuu isaati. Bunni Sidaamoo kibbuma Itoophiyaatti hoomishamu ammoo kan ittiin bekkamu qaama guutuu qabaachuun, afaanitti kan namatti toluu fi ifnana qabaachuu isaatiini. Bunni Gimbii dhiha biyyaattiti argamu ammoo kan ittiin beekkamu badhaadhina, asiidummaa cimaa, mi’aa fi urgaa ykn shurufkaa adda ta’e qabaachuu isaatiini.

Buna sanyii adda addaa, urgaa fi mi’aa garagaraa qaban hoomishuun keenya, aadaa waggaa dheeraa buna filatamaa jaalachuun keenya, buna uumama gaaddisa jalatti biqilu fi simbiraaf tolaa ta’e hoomishuun keenya, carraa addummaa (specialty) gurgura bunaa magaalaa adunyaa irratti akka argannu nu dandeessisa.

Haa ta’u malee, gaafiin gaafatamuu qabu: Haalota keenya gaarii ta’anii fi addummaa qaban kanatti fayyadamuudhaan akkamitti buna qulqullaawaa sirna hoomishaa fi sirna magaalaa fooyya’aa ta’ee uummachuu dandeenna?