Könüldən keçənlər

07.05.2014, saat 18:50

Onu mənlə
Günəş, sənlə hesabım var,

Onu mənlə çəkəcəksən.

Bilirəm ki, səbəbindən,

Torpağa da əkəcəksən.

07.05.2014, saat 18:30

* * *

Yatan yatsın, yatmayan yuxu tapsın.

05.05.2014, saat 23:00

* * *
Şairlik ağzına gələn cəfəngiyyat yazmaq demək deyil.

05.05.2014

Atma özünü
Birdən özün olarsan.

Atma özünü dağdan.

Qaytarmaz ki, kür mənə,

Axtarım hansı bağdan?

08.05.2014, saat 18:55

Duydunuz ki, ...
Duydunuz ki, nəzərimdə

Mən sizi günəş tutmuşam.

Vallah, sizi ürəyimə

Günəş tək duydurmuşam.

30.04.2014, saat 22:40

Bu gecəni
Bu gecəni yatmamışam.

Gecədən ayrılmamışam.

Sabahınız xeyir, deyim,

Yuxudan ayılmamışam.

16.02.2014

Yazıq təbiət
Bir yanı cəhənnəm, bir yanı cənnət,

Bizim də ömrümüz bax budur, əlbət.

Zəmanə keçirib ələkdən, seçir,

Baş açmır özü də yazıq təbiət.

07.05.2014, saat 12:10
* * *
Qardaş da, övlad da kişidirsə, öz növ­bə­sində kişidir. Ancaq hər namuslu qadının bir kişisi olar. Tapmacalara uyumayın.

10.05.2014, saat 16:35
* * *
Bütöv kədər, yarım kədər dərdidir,

Yarım bir dərd, bütöv kədər əmridir.

Hər birisi bir igidin canında,

Bütöv ömrə nakam dəyən mərmidir.