Pedaqogikanın obyekti – insan və onun həyata hazırlanmasıdır.
Pedaqogikanın predmeti – insan şəxsiyyətinin tərbiyə, təlim və təhsil vasitəsilə formalaşdırılması və inkişafına yönəldilmiş pedaqoji prosesdir.
Pedaqogikanın 4 bölməsi var:
1. Ümumi pedaqogika.
2.Didaktika- təlim və təhsil haqqında nəzəriyyədir.
3. Tərbiyə nəzəriyyəsi.
4. Məktəbşünaslıq.
Əsas pedaqoji kateqoriyalar.
Professor N.Kazımov pedaqogikanın kateqori-yalarını müəyyənləşdirərkən yazır: “Milli pedaqogikada beş pedaqoji kateqoriya vardır: təlim, tərbiyə, təhsil, psixoloji inkişaf, habelə onları özündə birləşdirən pedaqoji proses”.
İlk baxışda belə görünür ki, “pedaqoji proses” də digər dörd kateqoriya ilə bərabərhüquqlu, eyni səviyyəli götürülmüşdür. Lakin diqqət edildikdə aydın olur ki, “pedaqoji proses” digər dörd anlayışı özündə birləşdirən, yəni onlardan daha ümumi anlayışı ifadə edən kateqoriya kimi buraya daxil edilmişdir. Daha konkret mənada təlim, tərbiyə, təhsil və psixoloji inkişaf pedaqoji prosesin tərkib hissələri kimi təqdim edilir. Bu kateqoriyaların hər birinin öyrətmə və öyrənmə funksiyalarının, imkanlarının sistemi əslində bütövlükdə pedaqogika elminin mahiyyətini və məzmununu təşkil edir.
|
