Intarpiraayizii Ijaarsa Daandiiwwan Oromiyaa

Intarpiraayizii Ijaarsa Daandiiwwan Oromiyaa

Karoora Guddinaa fi Traansformeeshinii Marsaa 2^ffaa (Bara 2008-2012)

HAGAYYA 2007

FINFINNEE

1. 
   Haala Waliigalaa Intarpiraayizii Ijaarsa Daandiiwwan Oromiyaa
   

Intarpiraayiziin Ijaarsa Daandiiwwan Oromiyaa dhaabbata misoomaa mootummaa ta’ee dambii lakk 116/2000 Bulchiinsa Mootummaa Naannoo Oromiyaadhaan Hagayya bara 2000ti baheen qaama seerummaa qabu ta’ee hojii ijaarsa daandii qulqullinna qabu akka ijaaruu fi dorgomaa ta’e akka bahuuf kan hundaa’edha. Dambii kana bu’uura godhachuudhaan boordii mataa isaatiin akka bulu ta’ee bara 2001 irraa eegalee hojjetaa jira. Intarpiraayizichi kaapitaala eeyyamameef qarshii biilliyoona tokkoon kan hundeeffame yoo ta’u, kan eeyyamame kana keessaa qarshii Miiliyoona 259 ta’u gosaan (in kind) kan kaffalameedha. Intarpiraayizichi akka koontiraaktara waliigalaatti beekkamtummaa sadarkaa duraa (GC-1) fi akka kontraaktara Ijaarsa hojiiwwan bishaaniitti beekkamtummaa sadarkaa duraa (WC-1) kan qabuudha.

Kaayyoon Intarpiraayizichaa inni guddaan indastirii ijaarsaa keessatti dorgomaa ta’e argamuun qabeenya muraasa jiru qixa sirrii ta’een fayyadamuudhaan babal’isuu daandii keessatti hirmaachuun fedhii daandii mootummaa fi ummanni qabu guutuudha.

Mootummaan guddina misooma itti fuufiinsa qabu fiduuf hojii misooma garagaraa gaggeessaa jira. Hojii misooma kana keessaa hojiin ijaarsa daandii isa tokkoo fi misooma biraa babal’isuuf murteessa kan ta’ee dha.

Intarpiraayiziin Ijaarsa Daandiwwan Oromiyaa hojiiwwan ijaarsa daandii haaraa, sadarkaa fooyyessuu, suphaa, ijaarsa riqaa, gamoo fi hojii ijaarsa bishaanii, akkasumas, meeshaalee hojiiwwan ijaarsaaf oolan oomishuu fi biyya aalaatii galchuudhaan dhiyyessuu akka danda’u aangoon kennameeraaf.
Intarpiraayizichi hojii ijaarsa daandii haala qulqullina fi gahumsa qabun yeroo qabame keessatti raawwatee itti qufiinsa maamiltootaa fi dhimmamtoota isaa daran guddiisu haala danda’un hojjechaa jira.