«Təsdiq edirəm»
Azərbaycan Respublikasının
Fövqəladə Hallar Nazirliyi
Əmr № 150
«30» dekabr 2010-cu il
Nazir___________K.Heydərov
Azərbaycan Respublikası Fövqəladə Hallar Nazirliyinin şəxsi heyətinin təhlükəsizlik tədbirlərinə dair təlimatlandırılması və onların yerinə yetirilməsi üzrə
TƏLİMAT
1. Ümumi müddəalar
1.1. Bu Təlimat Fövqəladə Hallar Nazirliyinin qurumlarında məşğələ və təlimlərin keçirilməsi, atışların yerinə yetirilməsi, mühəndis texnikalara texniki qulluğun göstərilməsi və onların idarə edilməsi, xilasetmə işlərinin aparılması, təsərrüffat işlərinin yerinə yetirilməsi zamanı təhlükəsizlik tədbirlərinə riayət edilməsini və ilk tibbi yardımın göstərilməsi qaydalarını müəyyən edir.
1.2. Təlimat Nazirliyin qurumlarının şəxsi heyəti üçün nəzərdə tutulmuşdur.
1.3. Fövqəladə Hallar Nazirliyinin qurumlarında nizamnamələrin, müvafiq təlimat, əmr və sərəncamların tələblərinə əsasən təhlükəsizlik tədbirlərinin təşkil edilməsinə, yerinə yetirilməsinə nəzarət və rəhbərlik həmin qurumların vəzifəli şəxsləri tərəfindən həyata keçirilir.
Dostları ilə paylaş: |
