Zikri-xilafəti Harun ər-Rəşid
Tarix yüz altmış ildə olanda xilafət növbəti Harun ər-Rəşidə yetişdi. Jüyun Ən-Jüm oğlunu Dərbəndin hökumətinə rəvanə qılıb müqərrər eylədi ki, ətraf əknaf Dərbəndin xəraj və müstəmərrisini jəm edib mürur ilə Dərbənd əhlinə və mübarizlərə təqsim eyləyin. Jüyun şöylə ki, şəhərə daxil oldu, şəhərin büruj və hasarın müdafiə edib, üstüvar görəndən sonra zülmün binasını qoyub, ləhv və ləəb və [mənahi] olan ümurə mürtəkib olub və şəhərdən bixəbər oldu. Dərbənd əhli ətraf və əknafə mütəfərriq oldular. Bu xəbər Bəğdad xəlifəsi Harun ər-Rəşid həzrətlərinə yetişən vaxtda, xəlifə Rəbiət-ül-Bahili Dərbənd şəhərinə varid oldu. Jüyun bin ənjümi tutub, məhbus edib, ayaqlarına gündə du şaxə vurub xəlifə hüzuruna göndərdi. Tarix yüz yetmiş üçdə olanda Harun Xəzimə Jazəmi oğlunu on iki min mübariz ilə Dərbənd şəhərinə məmur eylədi. O, Dərbəndə varid olandan sonra hər nə xərab olan bürj və baru var idi təmir edib. Bir neçə vaxtdan sonra xəlifə özü Dərbəndə gəlib görəndən sonra Rübasdan bəndla bağlayıb şəhərin kənarına su gətirib bağlar və bostanları sirab eyləyib oların mədaxil və mənafelərin şəhərin füqərasına vəqf və təsəddüq eylədi. İbn Öməri Dərbəndin hökumətinə təyin və müqərrər eylədi ki, jümə namazını fövt və təxir etməsinlər.
Əlqissə, Harun ər-Rəşid nəsihətlər verəndən sonra Bağdad tərəfinə mürajiət eylədi. Ravi nəql etmiş ki, Qırxlar qapı tərəfində daşdan günbəz vardır. Harun ər-Rəşidin oğlanları o daş günbəzin içində mədfundur.
Dostları ilə paylaş: |
