26
Tunisdə seçkilərdə əlilliyi olan şəxslərin iştirakı ilə bağlı təşviqat, məlumatlandırmanın artırılması və monitorinq
2011-ci ildə CRPD-nin Tunis üzrə yekun qeydlərinə ölkənin demokratik islahatına dair bir sıra tövsiyyələr daxil olmuş, məqsəd əlilliyi olan şəxslərin yeni Konstitusiyanın hazırlanması prosesinə cəlb edilməsi, digərləri ilə bərabər əsaslarda seçmək və ictimai həyatda iştirak etmək hüquqlarının həyata keçirilməsi olmuşdur.
İnqilabdan sonra təsis edilmiş əlilliyi olan şəxslərin təşkilatı – Tunisdə Əlilliyi olan İnsanların Hüquqlarının Təşviqi Təşkilatı (Organisation tunisienne de défense des droits des personnes handicapées- OTDDPH) müxtəlif regionlarda məlumatlandırmanın artırılması üzrə bir sıra seminarlar keçirmiş, məqsəd növbəti seçkilərdə əlilliyi olan şəxsləri iştirak etməyə cəsarətləndirmək olmuşdur. Onun bir sıra üzvləri seçkilərdə rəsmi müşahidəçi kimi iştirak etmişdir ki, OTDDPH ölkədə 100-dən artıq seçki məntəqəsində işin gedişatını birbaşa müşahidə edə bilmiş, məqsəd seçkilərdə əlyetərlilik standartlarına göstərilən hörməti, eləcə də əlilliyi olan insanların iştirakını qiymətləndirmək olmuşdur.
Milli Qanunvericilik Məclisinin seçkilərindən sonra Tunisiyanın yeni Konstitusiyasının hazırlanması tapşırığı ilə OTDDPH əlilliyi olan şəxslərin hüquqlarının Konstitusiyaya daxil edilməsi üçün Qanunvericilik Məclisi ilə təşviqat xarakterli tədbirlər keçirmişdir. CRDP və CRDP Komitəsinin tövsiyyələri üzrə aparılan təşviqat əsasında OTDDPH Məclisin komitə dinləmələrində çıxış etmiş, ayrı-ayrı komitə üzvləri ilə işləmiş, Konstitusiyaya daxil edilməsi üçün müddəa hazırlamışdır.
Dostları ilə paylaş: |
