16.02.2014
Ay yar
Dindirirəm dinməyirsən, dərdin nə?
Bağrımı qan eyləyirsən sən, ay yar.
Bir zaili neyləyirsən yar edib?
Ürəyində ürəyimin sözü var.
Baxçasından bir dəstə gül dərərəm,
Gülü dərib, səhman yerdə sərərəm.
Arzum odur, yarı yenə görərəm,
Sinəm üstə ocağının közü var.
Gözəllikdə bir dənəsən, can, ay yar,
Gəl, Sabir Binnəti heyran san, ay yar.
Sən eşqimə yenə boylan, yan, ay yar,
Gözlərində gözlərimin gözü var.
24.03.2014, saat 03:45
Gül üzə
Xanım gördüm, sığal çəkib gül üzə,
Siyah-sürmə, çiçək əkib, gül üzə.
Sabir Binnət, zəhmət çəkib, gül üzə,
Yoxdu səndən, bizim eldə, ay gözəl.
24.03.2014, saat 2:30
Ürəyimə damıbdır
Qurtarmaz ağrılarım,
Ürəyimə damıbdır.
Fələk çöküb sinəmə,
Taqətimi alıbdır.
Nəydi mənim günahım?
Yandırır ürəyimi.
Dərdim, acım və ahım.
Sındırır dirəyimi.
Sabir Binnət, çökmə sən,
Hələ zaman qabaqla.
Ədalət ümidinə,
Gələcəyə bax, haqla.
Dostları ilə paylaş: |
