“Musiqi və onun tədrisi metodikası”

Musiqi tədrisinin məqsədidir:
tələbəni yaradıcılıq və icmal işlərinə cəlb etmək; ona xalq və 
klassik musiqinin yüksək bədii əsərlərini tanıtmaqla onu “dinləyici” kimi tərbiyə etmək; tələbəyə 
təhsilli, mədəni insan kimi formalaşmağına dəstək göstərəcək musiqi sahəsində bilik vermək; 
yaradıcılıq işləri üçün lazımi vərdiş-bacarıqların əldə edilməsi və inkişaf etdirilməsi. 
Musiqi tədrisinin məsələləridir:
musiqi dinləmə qabiliyyətinin inkişafı; ritm hissinin inkişafı; 
musiqi yaddaşının inkişafı; dinləmə vərdişinin formalaşdırılması
 

 
 
Məktəbəqədər təhsil müəssisələrində musiqinin tədrisi metodikası 
Məktəbəqədər təhsil Azərbaycan Respublikasında fasiləsiz təhsil sisteminin ilk pilləsi kimi 
fərdin, cəmiyyətin və dövlətin maraqları nəzərə alınmaqla davamlı inkişaf etdirilən prioritet 
fəaliyyət sahəsidir. Uşağın məktəbdəki uğurlu təhsili, şəxsiyyət kimi formalaşması, ictimai 
həyatda iştirak etməsi məktəbəqədər dövrdə qoyulmuş təməldən əhəmiyyətli dərəcədə asılıdır. 
Məktəbəqədər yaş uşağın fəal sosiallaşması, mədəni vərdişləri mənimsəməsi, mənəvi və estetik 
hisslərin oyanması dövrüdür. Uşaq – balaca fərd qrup şəraitində böyüklər və yaşıdları ilə 
hərtərəfli ünsiyyət qurmaq və ünsiyyət bacarıqlarını inkişaf etdirmək imkanı əldə edir. 
Məktəbəqədər yaş dövründə ən optimal inkişaf mərhələsi kimi keçilən təlimlərdən biri də estetik 
tərbiyyədə mühüm rol oynayan 
 musiqi 
təlimidir. 
 
Məktəbəqədər təhsildə musiqi təliminin məqsədi
erkən yaş dövründən başlayaraq uşaqların 
əqli, yaradıcı potensialının, mədəni səviyyəsinin inkişafının, psixoloji dayanıqlığının və 
sağlamlığının, mühafizəsinin, ətraf aləmə həssas (şüurlu) münasibətinin və şəxsiyyətinin 
formalaşdırılmasından ibarətdir.
Məktəbəqədər tədris müəssisələrində musiqi tədrisinin metodikası fənninin məqsəd və 
vəzifəsi
1-6 yaşlı uşaqlarının estetik tərbiyyəsində musiqinin rolunu aydınlaşdırmaq, musiqi 
tədrisinin metod və yollarının müəyyənləşdirməkdir. . Məktəbəqədər təhsil ətraf aləmin 
gözəlliklərini duymaq, estetik cəhətdən qavramaq və müvafiq bədii nümunələr yaratmaq üçün 
ilkin pillədir. Məktəbəqədər yaşlı uşaqların estetik inkişafı onların yaradıcılıq qabiliyyətlərini 
stimullaşdırır. Musiqi estetik və yaradıcı inkişafın əsasının qoyulmasında əsas vasitələrdən biri 
kimi istifadə olunur Estetik tərbiyədə mühüm vasitə olan musiqi məktəbəqədər yaşlı uşaqlarda 
bədii hisslərin və zövqün, bədii yaradıcılıq qabiliyyətlərinin, ətraf aləmdəki obyektləri müşahidə 
və müzakirə etmək bacarığının inkişafını təmin edir. Musiqinin – mahnı və melodiyanın 
dinlənilməsi, mahnının oxunması və uşaq musiqi alətlərində ifa, fərdi və kütləvi rəqs 
məktəbəqədər yaşlı uşaqların estetik zövqünün inkişafına kömək edir. Uşaqlar oyun, əmək və 
əməli fəaliyyətə, kollektivdə davranma qaydalarına dair ilkin bacarıqlara yiyələnirlər.
 
Hər bir 
uşağın keyfiyyətli məktəbəqədər təhsilinin təmin edilməsində musiqili tərbiyyənin rolu 
muhumdur. 

---

Tədqiqat göstərir ki, 7 yaşına qədər musiqi ilə məşğul olmayan uşaq artıq səsləri 
yüksəkliyinə görə fərqləndirə bilmir. Mahnını oxumaq, ritmə uyğın hərəkət etməkdə çətinlik 
çəkir.
Məktəbəqədər təhsil müəssələlərində uşaqlar 4 yaş qrupunda tərbiyə alırlar.