Ümumi psixologiyanın mövzusu və vəzifələri Plan

5.Psixokonsultasiya məktəbə psixoloji xidmət fəaliyyətində müəllim, şagird və valideynlərlə aparılan işin əsasını təşkil edir. Psixoloqun valideynlərə psixoloji məsləhəti aşağıdakı məsələləri əhatə edə bilər: uşağı məktəbə necə hazırlamaq, oxumaq istəməməyi, hövsələsizlik, inadkarlıq, qorxaqlıq, sözə baxmamaq və s. kimi qüsurları necə aradan qaldırmaq. Psixokonsultasiya insanlara psixoloji müdafiə yollarını öyrətməklə, onlarda yaradıcılıq imkanlarını müəyyənləşdirməyə nail olmaqdır. Psixokonsultasiyanın vəzifələrinə aşağıdakılar daxildir.
-fiziki imkanı zəif olan, iş qabiliyyətini tez itirən, materialı pis mənimsəyən şagirdlərə psixoloji kömək;
-qapalı, fəaliyyətə maraqsız, yeniliyə meyl göstərməyənlərə məsləhət;
-əsəbi, ərköyün, eqoist uşaqların valideynlərinə məsləhət;
-davranış mədəniyyətinin formalaşması üzrə iş;
-valideynlərin müraciətləri ilə bağlı konsultativ iş və s.
6.Psixoloji konsilium müxtəlif xarakterli psixoloji problemlərin aradan qaldırılması məqsədilə mütəxəssislər arasında aparılan fikir mübadiləsi-müzakirələr və məsləhətləşmələrdir. Təhsil sistemində çalışan psixoloqların təşkil etdikləri konsiliumlar bu sahədə işləyən bütün insanları əhatə edir. Konsiliumun mövzusundan asılı olaraq bu şəxslər müzakirələrə cəlb olunurlar. Psixoloji konsiliumlar təhsil sistemində aparılan işlərin demokratik tələblərinə cavab verməlidir. Psixoloji konsiliumun aşağıdakı tipləri müəyyənləşdirilmişdir.
1.Tibbi-psixoloji tipli konsiliumlar
2.Fizioloji-psixoloji tipli konsiliumlar
3.Defektoloji-psixoloji tipli konsiliumlar
4.Pedaqoji-psixoloji tipli konsiliumlar
5.Psixoloji tipli konsiliumlar


20. Məktəbə psixoloji hazırlığın diaqnostikası.
Plan:
1. Məktəbə hazırlığın mühüm göstəriciləri
2. Məktəbə hazırlıqla bağlı texniki və metodiki tələblər
3. Seqen lövhəsi üzrə iş
4. N.A.Brenşteynin "ardıcıl hadisələr" tapşırığı
5. Dördüncü artıq əşya hansıdır? tapşırığı
Məktəbə psixoloji xidmətdə əsas yerlərdən biri uşaqların məktəbə psixoloji hazırlığının diaqnostikasını verməkdən ibarətdir. Məktəb psixoloqu (sinif muəllimi ilə birlikdə) birinci sinfə qəbul olunacaq uşaqların məktəbə psixoloji hazırlıq səviyyəsini aşkara çıxarmalıdır. Uşağın məktəbə hazırlığının diaqnostikasını verərkən aşağıdakı üç mühüm göstəriciyə istinad etmək lazım gəlir.