1.Təhsildə qarşıya düzgün məqsəd qoymaq.
2.Tapşırıqları düzgün analiz etmək.
3.Adekvat qiymətləndirmə vasitələri seçmək.
4.Təlim nəticələrinə əsasən düzgün təhlil aparmaq.
Pedaqoji psixologiya tarixində 50-70-ci illər taksonomiyaların işlənməsi sahəsində xüsusi bir mərhələ kimi önəmli yer tutur. Həmin illərdə Blum, Gilford, Vilson, Smit, Bruner və başqaları tərəfindən yaradılan taksonomiyalar-idrak, emosional və psixomator sahələri əhatə edir. Qeyd etdiyimiz taksonomiyalar təlim məqsədlərini səciyyələndirmək imkanı vermir, lakin onlar məsələyə yeni baxımdan yanaşmaq və yeni taksonomiyalar işləmək üçün əlverişli şərait yaradır. Müasir təlim nəzəriyyəsi isə təlimin məqsədlərini həmin sahələrə görə deyil, təlimin təhsil, inkişafetdirici və tərbiyəedici effektlərinə əsasən müəyyən edir. Blumun taksonomiyası ən universal bir model kimi tətbiq olunmaqdadır. Bu taksonomiyalar sadədən mürəkkəbə doğru düşünmə bacarıqlarının altı səviyyədə təşkilini təmin edir.
1.Bilik səviyyəsi
2.Anlama səviyyəsi
3.Tətbiqetmə səviyyəsi
4.Analiz səviyyəsi
5.Sintez səviyyəsi
6.Qiymətləndirmə səviyyəsi
Azərbaycan psixopedaqogikasında taksonomiya axtarışlarının iki variantı mövcüddur.
I variant 1998-ci ildə yaradılıb və müasir təhsil nəzəriyyəsinin konseptual ölçüləri ilə “Təhsil-İnkişaf-Tərbiyə” kontekstində təhlil olunmuşdur.
II variant 2007-ci ildə formalaşıb, fəlsəfi-psixoloji xüsusiyyətləri ilə fərqlənir və “Öyrənmə-İnkişaf-Mədəniyyət”kontekstində təhlil olunmuşdur.
13. Pedaqoji fəaliyyətin və müəllim şəxsiyyətinin psixologiyası Plan: 1. Pedaqoji fəaliyyətin strukturu
2. Pedaqoji fəaliyyətin funksiyaları
3. Müəllim şəxsiyyətinə verilən tələblər
4. Müəllimin professional keyfiyyətləri
Pedaqoji fəaliyyət cəmiyyətin yaşlı üzvlərinin gənc nəsli tərbiyə etməkdən ibarət olan fəaliyyətidir. Pedaqoji fəaliyyət mürəkkəb fəaliyyətdir. Pedaqoji fəaliyyətin psixoloji xüsusiyyətlərinə gəldikdə, burada birinci növbədə müəllim əməyinin psixoloji qanunauyğunluqları diqqəti cəlb edir. Müəllim gələcək nəslin şəxsiyyətini, dünyagörüşünü, əqidəsini, vətənə və xalqa sədaqətini formalaşdırır. Ona görə də müəllim çox haqlı olaraq insan qəlblərinin mühəndisi hesab edilir. Pedaqoji fəaliyyətin strukturunda aşağıdakı cəhətləri ayırd edə bilərik:
